national
കശ്മീരിൽ വീരമൃത്യു വരിച്ച മലയാളി സൈനികന് ശൗര്യ ചക്ര; നായിബ് സുബൈദാർ ശ്രീജിത്തിന് രാജ്യത്തിന്റെ ആദരം
കഴിഞ്ഞ വര്ഷം ജൂലായ് എട്ടിനാണ് രജൌരിയിലെ നിയന്ത്രണരേഖയില് നടന്ന നുഴഞ്ഞകയറ്റ ശ്രമം ശ്രീജീത്തിന്റെ നേതൃത്വത്തിലുള്ള സൈനികര് തടഞ്ഞത്. തുടര്ന്ന് നടന്ന ഏറ്റുമുട്ടലില് ആറ് ഭീകരരെ സൈന്യം വധിച്ചു. കോഴിക്കോട് കൊയിലാണ്ടി ചേമഞ്ചേരി സ്വദേശിയാണ് ശ്രീജിത്ത്.
384 സൈനികര്ക്കാണ് സേന മെഡലുകള് പ്രഖ്യാപിച്ചത്. ഉത്തം സേവാ മെഡലിന് രണ്ട് മലയാളികള് അര്ഹരായി. ലെഫ്റ്റനന്റ് ജനറല് ജോണ്സണ് പി മാത്യു, ലെഫ്റ്റനന്റ് ജനറല് പി.ഗോപാലകൃഷ്ണമേനോന് എന്നിവര്ക്കാണ് ഉത്തം സേവ മെഡല് ലഭിക്കുക.
ധീരതക്കുള്ള മെഡലുകള് അഞ്ചു മലയാളികള്ക്കുണ്ട്. . സര്വോത്തം ജീവന് രക്ഷാ പതക് മരണാനന്തര ബഹുമതിയായി ശരത് ആര് ആര് നു പ്രഖ്യാപിച്ചു. നാല് മലയാളികള് ഉത്തം ജീവാ രക്ഷ പതക്കിനും അര്ഹരായി.അല്ഫാസ് ബാവു, കൃഷ്ണന് കണ്ടത്തില്, മയൂഖാ വി, മുഹമ്മദ് ആദന് മൊഹുദ്ദീന് എന്നിവരാണ് ഉത്തം ജീവാ രക്ഷ പതക്കിന് അര്ഹരായത്.
