international desk
18 വര്‍ഷത്തിനുശേഷം വീണ്ടും ‘മങ്കിപോക്സ് അണുബാധ’; ആശങ്കയിൽ ലോകരാജ്യങ്ങൾ
ഡാലസ് ∙ മങ്കിപോക്സ് അണുബാധ ഡാലസിൽ താമസിക്കുന്ന വ്യക്തിയിൽ കണ്ടെത്തിയതായി നോർത്ത് ടെക്സാസ് ഹെൽത്ത് സർവീസ് ഡിപ്പാർട്ട്മെൻറ് വെളിപ്പെടുത്തി. ജൂലൈ ഒമ്പതിന് ഡാലസ് ലവ് ഫീൽഡ് എയർപോർട്ടിൽ നൈജീരിയയിൽ നിന്നും വന്ന വ്യക്തിയിലാണ് അണുബാധ കണ്ടെത്തിയത്. യാത്ര ചെയ്ത വിമാനത്തിലെ ആളുകളുടെ ആരോഗ്യനില പരിശോധിച്ച് കൊണ്ടിരിക്കുകയാണെഎന്ന് നോർത്ത് ടെക്സസ് ഹെൽത്ത് ഡിപ്പാർട്ട്മെൻറ് അറിയിച്ചു. രോഗബാധിതനായ വ്യക്തി ഇപ്പോൾ ആശുപത്രിയിൽ സുഖം പ്രാപിച്ചുവരുന്നു എന്ന് ആശുപത്രി അധികൃതർ അറിയിച്ചു.
തലവേദന ,പനി , മസിൽ വേദന , തൊണ്ടവേദന തുടങ്ങിയവയാണ് ലക്ഷണങ്ങൾ . ഈ ലക്ഷണങ്ങൾ അനുഭവപ്പെടുന്നവർ എത്രയും പെട്ടെന്ന് ആശുപത്രിയിൽ പ്രവേശിച്ചു പ്രാഥമിക ചികിത്സ തേടേണ്ടതാണെന്ന് സിഡിസിയും ഹെൽത്ത് ഡിപ്പാർട്ടമെന്റും അറിയിച്ചു .
