ഉദുമ യുഡിഎഫ് സ്ഥാനാർത്ഥി ബാലകൃഷ്ണൻ പെരിയുടെ വിജയത്തിനായി യുവതയുടെ പടുകൂറ്റൻ റോഡ് ഷോ

യുഡിഎഫ് യുവജന വിഭാഗമായ യുഡി എസ് എഫിന്റെ റോഡ് ഷോ ഉദുമ മണ്ടലത്തിലെ നാല് പഞ്ചായത്തുകളെ അക്ഷരാർത്ഥത്തിൽ ഞെട്ടിച്ചു. ചട്ടഞ്ചാലിൽ നിന്നും ആരംഭിച്ച് മേൽപ്പറമ്പ്, ഉദുമ , പാലക്കുന്ന്, ബേക്കൽ, പള്ളിക്കര, പെരിയ , പെരിയാട്ടടുക്കം തുടങ്ങിയ സ്ഥലങ്ങളിലെ സ്വീകരണത്തിനു ശേഷം കല്യോട്ട് രക്തസാക്ഷി മണ്ഡപത്തിൽ സമാപിച്ചു. യൂത്ത് കോൺഗ്രസ് അഖിലേന്ത്യ അദ്ധ്യക്ഷൻ ബി വി ശ്രീനിവാസ് , യൂത്ത് ലീഗ് അഖിലേന്ത്യാ ഉപാദ്ധ്യക്ഷൻ പാണക്കാട് സയ്യിദ് മുനീഹലി ഷിഹാബ് തങ്ങൾ സ്ഥാനാർഥി ബാലകൃഷ്ണൻ പെരിയ ബിപി പ്രദീപ് കുമാർ , കൈലാസ് അനിൽ, ടിഡി കബീ തെക്കിൽ, ഹാരിസ് അങ്കക്കളരി,ഷാനവാസ് എം ബി,അനൂബ് കല്ലോട്ട്, എന്നിവർ റോഡ് ഷോ നയിച്ചു. നൂറുകണക്കിന് വാഹനങ്ങളും ആയിര കണക്കിന് പ്രവർത്തകരും അണി നിരന്നു.