karnataka
കര്ണാടകയില് ബിജെപി സര്ക്കാര് കൊണ്ടുവന്ന മതപരിവര്ത്തന നിരോധന നിയമം റദ്ദാക്കി
ജൂലൈ 3നു തുടങ്ങുന്ന ബജറ്റ് സമ്മേളനത്തില് നിയമം പിന്വലിക്കാനുള്ള ബില്ല് അവതരിപ്പിക്കും. നിയമസഭ പാസാക്കിയാലും ബി.ജെ.പിക്കു ഭൂരിപക്ഷമുള്ള നിയമ നിര്മാണ കൗണ്സില് കൂടി അംഗീകരിച്ചാലേ നിയമം പിന്വലിക്കപ്പെടൂ. ഇതോടൊപ്പം പാഠപുസ്തകങ്ങളിലെ കാവിവത്കരണം നീക്കി. ആദ്യപടിയായി ആര്.എസ്.എസ്. സൈദ്ധാന്തികരായ ഹെഡ്ഗേവാര്, ഗോള്വാക്കര് എന്നിവരെ കുറിച്ചുള്ള പാഠഭാഗങ്ങള് ഒഴിവാക്കി. കാവിവത്കരണത്തെ കുറിച്ചു പഠിക്കാന് നിയോഗിച്ച വിദഗ്ധ സമിതിയുടെ റിപ്പോര്ട്ട് കിട്ടുന്ന മുറയ്ക്ക് പാഠപുസ്തകങ്ങള് സമ്പൂര്ണായി പൊളിച്ചെഴുതും. ഇതോടൊപ്പം സ്കൂളുകളിലും കോളേജുകളിലും ഭരണഘടനയുടെ ആമുഖ വായന നിര്ബന്ധമാക്കാനും മന്ത്രിസഭായോഗം തീരുമാനിച്ചു.
