വടകര താലൂക്ക് ഓഫീസ് കെട്ടിടത്തില്‍ തീപിടിത്തം; വൻ നാശം

കോഴിക്കോട് വടകരയിലെ താലൂക്ക് ഓഫീസ് കെട്ടിടത്തില്‍ തീപിടിത്തം. തീപിടിത്തത്തിൽ വൻ നാശനഷ്ടമുണ്ടായെന്നാണ് വിവരം. ഇന്ന് രാവിലെ ആറുമണിയോടെയാണ് തീപിടിത്തമുണ്ടായത്. അ​ഗ്നിരക്ഷാസേന സ്ഥലത്തെത്തി തീ അണയ്ക്കാനുളള ശ്രമങ്ങൾ നടത്തികൊണ്ടിരിക്കുന്നു.

തലൂക്ക് ഓഫീസിലെ നിരവധി ഫയലുകൾ കത്തി നശിച്ചിട്ടുണ്ട്. പഴക്കം ചെന്ന കെട്ടിടത്തിലാണ് താലൂക്ക് ഓഫീസ് പ്രവർത്തിക്കുന്നത്. തീ പിടിത്തത്തിന്റെ കാരണം വ്യക്തമല്ല. ഓഫീസ് പൂർണമായും കത്തിനശിച്ച നിലയിലാണ്.