kerala
വാഹന പരിശോധനയ്ക്കിടെ പതിനാറുകാരന് ക്രൂര മര്ദ്ദനം; റിപ്പോര്ട്ട് തേടി ശിശുക്ഷേമ സമിതി
മര്ദ്ദനത്തെ തുടര്ന്ന് അവശനായ വിപിന് ആശുപത്രിയില് ചികത്സ തേടിയ ശേഷം വീട്ടില് കഴിയുകയാണ്. സംഭവത്തില് പൊലീസിനും എക്സൈസിനുമെതിരെ കുടുംബം രംഗത്തുവന്നിരുന്നു. വിപിന്റെ ദുരവസ്ഥ ശ്രദ്ധയില്പ്പെട്ട ചൈല്ഡ് വെല്ഫെയര് കമ്മിറ്റി സംഭവത്തില് ചാത്തന്നൂര് അസിസ്റ്റന്റ് കമ്മീഷണറോട് വിശദീകരണം തേടിയിട്ടുണ്ട്.
അതേസമയം, കുട്ടിയുടെ കയ്യില് ലൈസന്സോ രേഖകളോ ഇല്ലാത്തതിനാലാണ് കുട്ടിയെ പരിശോധിച്ചത്.
വാഹനം കസ്റ്റഡിയിലെടുക്കുക മാത്രമേ ചെയ്തിട്ടുള്ളുവെന്നാണ് പരിശോധന നടത്തിയ ഉദ്യോഗസ്ഥരുടെ വിശദീകരണം. വസ്ത്രമഴിച്ച് പരിശോധിച്ച സംഭവം ഗൗരവരകരമാണെന്ന് സിഡബ്ലുസി ചെയര്മാന് കെ പി സജി നാഥ് പ്രതികരിച്ചു. കുട്ടിക്ക് കൗണ്സിലിംഗ് ആവശ്യമെങ്കില് നല്കുമെന്നും ശിശു ക്ഷേമ സമിതി വ്യക്തമാക്കി.
