kerala
ഇ ബുള് ജെറ്റ് സഹോദരങ്ങളുടെ ജാമ്യം റദ്ദാക്കണമെന്ന് ആവശ്യം; ഹര്ജി ഇന്ന് പരിഗണിക്കും
ഇ ബുള് ജെറ്റ് സഹോദരങ്ങളുടെ ജാമ്യം റദ്ദാക്കണമെന്ന് ആവശ്യപ്പെട്ടുള്ള പൊലീസിന്റെ ഹര്ജി കോടതി ഇന്ന് പരിഗണിക്കും. തലശ്ശേരി അഡീഷണല് സെഷന്സ് കോടതിയാണ് ഹര്ജി പരിഗണിക്കുന്നത്. ആര് ടി ഓഫീസിലെ അതിക്രമവുമായി ബന്ധപ്പെട്ടാണ് വ്ളോഗര് സഹോദരന്മാരായ എബിന് ലിബിന് എന്നിവര്ക്കെതിരെ ജാമ്യമില്ലാ വകുപ്പുകള് ചുമത്തി പൊലീസ് കേസെടുത്തത്.
എന്നാല് ഒരു ദിവസം റിമാന്ഡില് കഴിഞ്ഞ ശേഷം പ്രതികള്ക്ക് കണ്ണൂര് ജുഡീഷ്യല് ഫസ്റ്റ് ക്ലാസ് മജിസ്ട്രേറ്റ് കോടതി ജാമ്യം അനുവദിച്ചിരുന്നു. ഈ പശ്ചാത്തലത്തിലാണ് പ്രതികളെ കസ്റ്റഡിയില് വാങ്ങി ചോദ്യം ചെയ്യണമെന്നതടക്കമുള്ള ആവശ്യങ്ങള് മുന്നോട്ടുവച്ചു കൊണ്ട് പൊലീസ് കോടതിയെ സമീപിച്ചിരിക്കുന്നത്.
