Tamil Nadu
നടന് വിജയ്ക്ക് ഒരു ലക്ഷം രൂപ പിഴ; 'റീല് ഹീറോ' ആവരുതെന്ന് വിമര്ശനം
ചെന്നൈ: ആഢംബര കാറിന് ഇറക്കുമതി തീരുവ ഇളവു വേണമെന്നാവശ്യപ്പെട്ട് നടന് വിജയ് നല്കിയ ഹര്ജി മദ്രാസ് ഹൈക്കോടതി തള്ളി. വിജയ്ക്ക് ഒരു ലക്ഷം രൂപ പിഴ വിധിച്ച കോടതി അഭിനേതാക്കള് യഥാര്ഥ ജീവിതത്തില് 'റീല് ഹീറോകള്' ആവരുതെന്ന് വിമര്ശിച്ചു.
ഇംഗ്ലണ്ടില്നിന്ന് 2012ല് ഇറക്കുമതി ചെയ്ത റോള്സ് റോയ്സ് ഗോസ്റ്റ് കാറിന്റെ എന്ട്രി ടാക്സില് ഇളവു തേടിയാണ് വിജയ് കോടതിയെ സമീപിച്ചത്. ഇതു തള്ളിയ ജസ്റ്റിസ് എസ്എം സുബ്രഹ്മണ്യന് നടനെ വിമര്ശിക്കുകയായിരുന്നു.
