kollam
കിണര് കുഴിക്കുന്നതിനിടെ അപകടത്തില്പെട്ട നാലു തൊഴിലാളികളും മരിച്ചു
കൊല്ലം: പെരുമ്ബുഴ കോവില്മുക്കില് ഇന്ന് 11.30 ഒാടെയാണ് ദാരുണമായ അപകടം. അപകടത്തില്പെട്ടവരെ പുറത്തെത്തിക്കുന്നതിനിടെ ഒരു ഫയര്ഫോഴ്സ് ഉദ്യേഗസ്ഥന് കുഴഞ്ഞുവീണു. ഇദ്ദേഹത്തെയും ആശുപത്രിയിലേക്ക് മാറ്റിയിട്ടുണ്ട്.
തിരുവനന്തപുരം സ്വദേശി പുതിയ വീട് നിര്മ്മിക്കുന്നതിന്റെ ഭാഗമായി പുതിയ കിണര് കുഴിക്കുകയായിരുന്നു. 75 അടിയോളം താഴ്ചയുള്ള ഇടുങ്ങിയ കിണറില് ആദ്യം രണ്ട് തൊഴിലാളികളാണ് ഇറങ്ങിയത്. ഇവര് ശ്വാസം കിട്ടാതെ കുഴഞ്ഞുവീണതിനെ തുടര്ന്ന് രക്ഷിക്കാനായി ഇറങ്ങിയതാണ് മറ്റു തൊഴിലാളികള്. കിണറിലിറങ്ങിയ നാലു തൊഴിലാളികളും ശ്വാസം കിട്ടാതെ കിണറില് കുഴഞ്ഞു വീഴുകയായിരുന്നു.
തുടര്ന്ന് സ്ഥലത്തെത്തിയ ഫയര്ഫോഴ്സ് തൊളിലാളികളെ പുറത്തെത്തിച്ചെങ്കിലും ജീവന് രക്ഷിക്കാനായില്ല. പുറത്തെത്തിക്കുേമ്ബാള് തൊഴിലാളികളെല്ലാം അബോധാവസ്ഥയിലായിരുന്നു. രക്ഷാപ്രവര്ത്തനത്തിനായി കിണറിലിറങ്ങിയ ഫയര്ഫോഴ്സ് ഉദ്യേഗസ്ഥന് കരക്കെത്തിയ ശേഷം കുഴഞ്ഞുവീഴുകയായിരുന്നു.
മരിച്ചയാളുടെ മൃതദേഹം കൊല്ലം ജില്ല ആശുപത്രിയില് കൊണ്ടുവന്നപ്പോള്.
[ ENGLISH SUMMARY : All four workers were killed in the accident while digging the well www.livetodaymalayalam.in ]
