kerala
മുഹമ്മദിനായി കൈകോര്ത്തപ്പോള് അകൗണ്ടിലെത്തിയത് 46.78 കോടി രൂപ; ബാക്കിവന്ന തുക എസ് എം എ ബാധിച്ച മറ്റ് കുട്ടികള്ക്ക് മരുന്നു വാങ്ങാന് നല്കും
കണ്ണൂര്: സ്പൈനല് മസ്കുലര് അട്രോഫി (എസ്എംഎ) ചികിത്സയ്ക്കായി കണ്ണൂര് മാട്ടൂലിലെ ഒന്നരവയസുകാരന് മുഹമ്മദിന് മലയാളികള് കയ്യയച്ച് സഹായിച്ചതോടെ മാതാവിന്റെ അകൗണ്ടിലെത്തിയത് 46.78 കോടി രൂപ. 7.7 ലക്ഷം പേരാണ് ബാങ്കിലൂടെ പണം നല്കിയത്.
ഒന്നു നടക്കാന് പോലുമാകാതെ വേദനകൊണ്ട് പുളയുന്ന മുഹമ്മദിന്റെ വാര്ത്തകള് മാധ്യമങ്ങള് ഏറ്റെടുത്തതോടെ ഈ കൊറോണ കാലത്തും ജനം ചികിത്സയ്ക്കായി കൈകോര്ക്കുകയായിരുന്നു. ഇതില് ഒരുരൂപ മുതല് ലക്ഷം, കോടികള് വരെ നല്കിയവരുണ്ട്. വെറും ഏഴുദിവസം കൊണ്ടുതന്നെ അകൗണ്ടില് ചികിത്സയ്ക്കായി വേണ്ടുന്നതില് അധികം തുക എത്തി.
ഒന്നു നടക്കാന് പോലുമാകാതെ വേദനകൊണ്ട് പുളയുന്ന മുഹമ്മദിന്റെ വാര്ത്തകള് മാധ്യമങ്ങള് ഏറ്റെടുത്തതോടെ ഈ കൊറോണ കാലത്തും ജനം ചികിത്സയ്ക്കായി കൈകോര്ക്കുകയായിരുന്നു. ഇതില് ഒരുരൂപ മുതല് ലക്ഷം, കോടികള് വരെ നല്കിയവരുണ്ട്. വെറും ഏഴുദിവസം കൊണ്ടുതന്നെ അകൗണ്ടില് ചികിത്സയ്ക്കായി വേണ്ടുന്നതില് അധികം തുക എത്തി.
18കോടിയാണ് ചികിത്സയ്ക്ക് വേണ്ടിവരുന്നത്. ഈ തുകയില് നിന്നും മുഹമ്മദിന്റെയും സഹോദരി അഫ്രയുടെയും ചികിത്സയ്ക്കാവശ്യമായ തുക മാറ്റിവയ്ക്കും.ബാക്കിവന്ന തുക മുഹമ്മദിനെ പോലെ എസ് എം എ ബാധിച്ച മറ്റ് കുട്ടികള്ക്ക് മരുന്നു വാങ്ങാന് നല്കുമെന്ന് എം വിജിന് എംഎല്എ അറിയിച്ചു.
