മന്ത്രി എംഎം മണിയുടെ പൈലറ്റ് വാഹനം തലകീഴായി മറിഞ്ഞു : മൂന്ന് പോലീസുകാർക്ക് പരിക്ക്

കോട്ടയം : മന്ത്രി എംഎം മണിയുടെ പൈലറ്റ് ഡ്യൂട്ടിക്കായി പോയ പോലീസ് ജീപ്പ് തലകീഴായി മറിഞ്ഞു. കോട്ടയം ചങ്ങനാശേരിക്ക് സമീപം മാമ്മൂട്ടിലാണ് സംഭവം. അപകടത്തിൽ മൂന്ന് പോലീസുകാർക്ക് പരിക്കേറ്റു.

ഇന്ന് വൈകുന്നേരം നാലരയോടെയാണ് അപകടമുണ്ടായത്. തൃക്കൊടിത്താനം പോലീസ് സ്‌റ്റേഷനിലെ ജീപ്പാണ് അപകടത്തിൽപ്പെട്ടത്. എസ്‌ഐ അടക്കം മൂന്ന് പോലീസ് ഉദ്യോഗസ്ഥരാണ് വാഹനത്തിൽ ഉണ്ടായിരുന്നത്. നിയന്ത്രണം വിട്ട ജീപ്പ് തലകീഴായി മറിയുകയായിരുന്നു. പരിക്കേറ്റ പോലീസുകാർക്ക് പ്രഥമ ശുശ്രൂഷ നൽകി വിട്ടയച്ചു.