എങ്ങനെ പാൻകാര്‍ഡ് ആധാറുമായി ലിങ്ക് ചെയ്യാം? -LIVE TODAY EXPLANATION

എങ്ങനെ പാൻകാര്‍ഡ് ആധാറുമായി ലിങ്ക് ചെയ്യാം?

ഓൺ‌ലൈനായി എളുപ്പത്തിൽ പാൻകാര്‍ഡ് ആധാറുമായി ലിങ്ക് ചെയ്യാനാകും. www.tin-nsdl.com അല്ലെങ്കിൽ www.utiitsl.com എന്നീ വെബ്സൈറ്റുകൾ വഴിയും ഇത് സാധ്യമാണ്. ഇതിന് സൈറ്റ് തുറന്ന് 'ലിങ്ക് ആധാർ ടു പാൻ' എന്ന ടാബിൽ ക്ലിക്കുചെയ്യുക. www.incometaxindiaefiling.gov.in എന്ന വെബ്സൈറ്റിലൂടെ നേരിട്ടും ലിങ്കിങ് സാധ്യമാണ്.

ഒരു എസ്എംഎസ് മതി

പാൻ കാർഡ് ആധാർ കാർഡുമായി ലിങ്കുചെയ്യുന്നതിന്, നിങ്ങളുടെ രജിസ്റ്റർ ചെയ്ത മൊബൈൽ നമ്പറിൽ നിന്ന് 567678 അല്ലെങ്കിൽ 56161 എന്ന നമ്പറിലേക്ക് ഒരു എസ്എംഎസ് അയയ്ക്കണം- UIDPAN <SPACE> <12 അക്ക ആധാർ നമ്പർ> <SPACE> <10 ഡിജിറ്റ് പാൻ> എന്ന ഫോര്‍മാറ്റിലാണ് എസ്എംഎസ് അയക്കേണ്ടത്. ഉദാഹരണത്തിന്, UIDPAN 123456789000 EPOPE1234E. സൗജന്യമായി ഈ സേവനം ലഭ്യമാണ്.

പാൻ-ആധാറുമായി ലിങ്ക് ചെയ്തിട്ടുണ്ടോ എന്നറിയാം

www.incometaxindiaefiling.gov.in എന്ന വെബ്സൈറ്റ് സന്ദര്‍ശിച്ച് ആധാര്‍ കാര്‍ഡുമായി പാൻ കാര്‍ഡ് ലിങ്ക് ചെയ്തിട്ടുണ്ടോ എന്നറിയാം. ഇതിന് സ്ക്രീനിന്റെ ഇടതുവശത്തായി ക്ലിക്ക് ലിങ്കുകൾ' എന്നതിന് കീഴിലുള്ള , 'ലിങ്ക് ആധാർ' ഓപ്ഷൻ ക്ലിക്കുചെയ്യുക. പേജിന്റെ മുകളിൽ കാണുന്ന 'ക്ലിക്ക് ഹിയര്‍ ടു വ്യൂ ദ സ്റ്റാറ്റസ്' എന്ന ഹൈപ്പര്‍ ലിങ്കിൽ ക്ലിക്കുചെയ്യുക'.

അടുത്ത പേജിൽ, പാൻ, ആധാർ നമ്പർ എന്നിവ നൽകുക.വിശദാംശങ്ങൾ നൽകി 'വ്യൂ ലിങ്ക് ആധാർ സ്റ്റാറ്റസ്' എന്നതിൽ ക്ലിക്കുചെയ്യുക. പാൻ‌ ആധാർ‌ ലിങ്കുചെയ്‌തിട്ടുണ്ടോ ഇല്ലയോ എന്ന് ഇതിലൂടെ അറിയാനാകും.