kerala
കരുവന്നൂര്‍ ബാങ്കില്‍ അരവിന്ദാക്ഷന് 50 ലക്ഷം രൂപയുടെ നിക്ഷേപം'; രേഖകള്‍ ലഭിച്ചെന്ന് ഇ ഡി
പി സതീഷ് കുമാറിന്റെ ബിനാമിയാണ് അരവിന്ദാക്ഷന്. ശ്രീജിത്ത് അരവിന്ദാക്ഷന്റെ അക്കൗണ്ടിലേക്ക് പണം മാറ്റി. പി സതീഷ് കുമാറിന്റെ സഹോദരനാണ് പി ശ്രീജിത്. സ്വത്ത് സാധൂകരിക്കുന്ന തെളിവ് അരവിന്ദാക്ഷന് നല്‍കിയില്ല. 2015 - 17 കാലയളവില്‍ വന്‍തുക അക്കൗണ്ടിലൂടെ കൈമാറി. 50 ലക്ഷത്തിലധികം രൂപ അക്കൗണ്ടില്‍ വന്നു.
സ്ഥിര നിക്ഷേപത്തിന്റെ രേഖകള്‍ ലഭിച്ചു. ഈ സാമ്പത്തിക ഇടപാടുകളില്‍ വ്യക്തത ഇല്ല. ബെനാമി വായ്പ തട്ടിപ്പിലൂടെ പണമാണിതെന്നും ഇ ഡി റിപ്പോര്‍ട്ടില്‍ പറയുന്നു.
അരവിന്ദാക്ഷന്റെ അക്കൗണ്ട് വഴി വരവില്‍ കൂടുതല്‍ ഇടപാട് ഉണ്ട്. ഇതിന്റെ സ്രോതസ് ചോദ്യം ചെയ്യലില്‍ വെളിപ്പെടുത്തിയിട്ടില്ല. അരവിന്ദാക്ഷന് ചോദ്യം ചെയ്യലുമായി സഹകരിച്ചില്ല. എട്ട് തവണ ചോദ്യം ചെയ്യാന്‍ വിളിപ്പിച്ചു. എന്നാല്‍ അന്വേഷണവുമായി സഹകരിച്ചില്ലെന്നും റിപ്പോര്‍ട്ടിലുണ്ട്
