kerala
വ്യാപക റെയ്ഡ്; 14,014 ഗുണ്ടകള് പിടിയില്, 6,305 മൊബൈല് പിടിച്ചെടുത്തു
സംസ്ഥാനവ്യാപകമായി 19,376 സ്ഥലങ്ങളില് റെയ്ഡ് നടത്തി. 6,305 മൊബൈല് ഫോണുകള് പരിശോധനക്കായി പിടിച്ചെടുത്തു. ജാമ്യവ്യവസ്ഥകള് ലംഘിച്ച 62 പേരുടെ ജാമ്യം റദ്ദാക്കാന് നടപടി സ്വീകരിച്ചതായി പൊലീസ് അറിയിച്ചു.ഏറ്റവും കൂടുതല് ഗുണ്ടകള് അറസ്റ്റിലായത് തിരുവനന്തപുരം റൂറലിലാണ് 1606 പേര്. ആലപ്പുഴയില് 1337 പേരും കൊല്ലം സിറ്റിയില് 1152 പേരും കാസര്ഗോഡ് 1141 പേരും പാലക്കാട് 1045 പേരും പിടിയിലായി.
ഏറ്റവും കൂടുതല് മൊബൈല് ഫോണുകള് പിടിച്ചെടുത്തതും തിരുവനന്തപുരം റൂറലില് നിന്നാണ്. 1188 എണ്ണം. ഗുണ്ടകള്ക്കെതിരെ നടത്തി വരുന്ന റെയ്ഡുകള് ശക്തമായി മുന്നോട്ട് കൊണ്ടുപോകാന് സംസ്ഥാന പോലീസ് മേധാവി അനില്കാന്ത് നിര്ദ്ദേശം നല്കി.
