ടാങ്കർ ലോറി മറിഞ്ഞു, പരിക്കേറ്റ ഡ്രൈവറെ രക്ഷിക്കാതെ പെട്രോൾ ഊറ്റാൻ മത്സരിച്ച് ​നാട്ടുകാർ

ദില്ലി: പെട്രോളുമായി പോകുകയായിരുന്ന ടാങ്കർ ലോറി അപകടത്തിൽ പെട്ടു ഡ്രൈവർക്ക് പരിക്കേറ്റ് കിടക്കുമ്പോഴും പെട്രോൾ ഊറ്റി ഗ്രാമവാസികൾ. പാത്രങ്ങളും കുപ്പികളും സാമഗ്രികളുമായെത്തിയാണ് ഇവർ പെട്രോൾ ഊറ്റിയെടുത്തത്.​ ​ഗ്വാളിയോറിൽ നിന്ന് ഷീയോപൂരിലേക്ക് പോകുന്നതിനിടെയാണ് അപകടമുണ്ടായത്. അമിത വേ​ഗം കാരണം പൊഹ്‍രിയിൽ വച്ച് ടാങ്കർ അപകടത്തിൽപ്പെടുകയായിരുന്നു. 

പെട്രോൾ വില 106 തൊട്ട സാഹചര്യത്തിലാണ് മധ്യപ്ര​ദേശിലെ ശിവപുരി ജില്ലയിലെ ​ഗ്രാമത്തിലെ ജനങ്ങൾ പെട്രോൾ ഊറ്റാൻ പാത്രവുമായിറങ്ങിയത്. ചിലർ ബൈക്കുമായെത്തിയും പെട്രോൾ ശേഖരിക്കുന്നുണ്ടായിരുന്നു. സംഭവത്തിന്റെ വീഡിയോ സമൂഹമാധ്യമങ്ങളിൽ വൈറലാണ്. പിന്നീട് പൊലീസ് എത്തിയാണ് ആളുകളെ ഒഴിപ്പിച്ച് പെട്രോളെടുക്കുന്നത് അവസാനിപ്പിച്ചത്. 

രാജ്യെത്തെ പെട്രോൾ, ഡീസൽ വില 100ന് മുകളിലെത്തിയിരിക്കുകയാണ്. മെയ് നാല് മുതൽ മെയ് 16 വരെ 25 തവണയാണ് പെട്രോൾ, ഡീസൽ വില ഉയർന്നത്. 

Ndtv