തിരുവനന്തപുരം: സംസ്ഥാനത്തിന് 6,34,270 ഡോസ് വാക്സിൻ കൂടി ലഭ്യമായതായി ആരോഗ്യ വകുപ്പ് മന്ത്രി വീണാ ജോർജ് അറിയിച്ചു. 1,48,690 ഡോസ് കോവീഷീൽഡ് വാക്സിൻ എറണാകുളത്തും 1,01,500 ഡോസ് കോവീഷീൽഡ് വാക്സിൻ കോഴിക്കോടും, രാത്രിയോടെ 1,28,500 ഡോസ് കോവീഷീൽഡ് വാക്സിൻ തിരുവനന്തപുരത്തും എത്തിയതായി മന്ത്രി പത്രക്കുറിപ്പിൽ അറിയിച്ചു.
ഇതോടൊപ്പം 55,580 ഡോസ് കോവാക്സിനും തിരുവനന്തപുരത്ത് എത്തിയിട്ടുണ്ട്. ഇതുകൂടാതെ തിരുവനന്തപുരത്ത് ചൊവ്വാഴ്ച രണ്ട് ലക്ഷം ഡോസ് കോവിഷീൽഡ് വാക്സിൻ എത്തിയിരുന്നു.
സംസ്ഥാനത്ത് ബുധനാഴ്ച 1,35,996 പേർക്കാണ് വാക്സിനെടുത്തത്. 963 വാക്സിനേഷൻ കേന്ദ്രങ്ങളാണ് ഉണ്ടായിരുന്നത്. സംസ്ഥാനത്ത് ഇതുവരെ 1,08,33,855 ഒന്നാം ഡോസും 32,52,942 രണ്ടാം ഡോസും ഉൾപ്പെടെ ആകെ 1,40,86,797 പേരാണ് വാക്സിൻ സ്വീകരിച്ചത്.
