kerala
മാവേലി സ്റ്റോറുകളിൽ അവശ്യ സാധനങ്ങളില്ല, വലഞ്ഞ് ജനം; സാമ്പത്തിക പ്രതിസന്ധി മൂലമെന്ന് ഭക്ഷ്യമന്ത്രി
മാവേലിസ്റ്റോറുകളിൽ സാധങ്ങളില്ലാത്തത് സാമ്പത്തിക പ്രതിസന്ധി മൂലമാണെന്ന് ഭക്ഷ്യമന്ത്രി ജി ആർ അനിൽ റിപ്പോർട്ടറിനോട് പ്രതികരിച്ചു. സപ്ലൈകോയ്ക്ക് അവശ്യസാധനങ്ങൾ വാങ്ങാൻ പ്രായോഗിക ബുദ്ധിമുട്ട് ഉണ്ട്. പ്രതിസന്ധി സപ്ലൈകോ സർക്കാരിനെ അറിയിച്ചിരുന്നു. വിപണി വിലയേക്കാൾ ടെൻഡർ തുക വരുന്നതും തടസമാണ്. പരിഹാര നടപടികൾ ആലോചിക്കുന്നുവെന്നും മന്ത്രി പറഞ്ഞു.
അതേസമയം, സപ്ലൈക്കോയിൽ സാധനങ്ങൾക്ക് വില കൂട്ടാൻ ആലോചനയില്ലെന്നും ഭക്ഷ്യമന്ത്രി അറിയിച്ചു. സബ്സിഡി കുറയ്ക്കുന്നതിനെ കുറിച്ച് ആലോചിച്ചിട്ടില്ല. കച്ചവടത്തിലെ ചില പ്രതിസന്ധികൾ സപ്ലൈകോ അറിയിച്ചിരുന്നു. സബ്സിഡി കുറയ്ക്കുന്ന ഒരു നടപടിയും ഉണ്ടാകില്ല. മറ്റു പ്രചാരണങ്ങൾ വാസ്തവവിരുദ്ധമാണെന്നും മന്ത്രി പറഞ്ഞു.
