kerala
സംസ്ഥാനത്ത് കരുതല് ഡോസ് വാക്സിനേഷന് നാളെ മുതല്; കോവിന് പോര്ട്ടലില് ബുക്ക് ചെയ്യാം
5.55 ലക്ഷം ആരോഗ്യ പ്രവര്ത്തകര്, 5.71 ലക്ഷം കൊവിഡ് മുന്നണി പോരാളികള് എന്നിവരാണുള്ളത്.
18 വയസിന് മുകളില് പ്രായമായവരുടെ വാക്സിനേഷന് കേന്ദ്രത്തിലാണ് കരുതല് ഡോസ് വാക്സിനെടുക്കുന്നത്. രണ്ടാം ഡോസ് വാക്സിന് എടുത്തുകഴിഞ്ഞ് 9 മാസം കഴിഞ്ഞവര്ക്കാണ് കരുതല് ഡോസ് എടുക്കാന് സാധിക്കുക. 60 വയസ് കഴിഞ്ഞ അനുബന്ധ രോഗമുള്ളവര് ഡോക്ടറുടെ അഭിപ്രായം ആരാഞ്ഞതിന് ശേഷം കരുതല് ഡോസ് വാക്സിന് സ്വീകരിക്കണമെന്നും മന്ത്രി വ്യക്തമാക്കി.
മുതിര്ന്നവര്ക്കുള്ള വാക്സിനേഷന് കേന്ദ്രത്തില് നീല നിറത്തിലുള്ള ബോര്ഡാണ് ഉണ്ടാകുക. ഈ ബോര്ഡുകള് വാക്സിനേഷന് കേന്ദ്രത്തിന്റെ പ്രവേശന കവാടം, രജിസ്ട്രേഷന് സ്ഥലം, വാക്സിനേഷന് സ്ഥലം എന്നിവിടങ്ങളില് പ്രദര്ശിപ്പിക്കും.
നേരത്തെ രണ്ട് ഡോസ് എടുത്ത അതേ വാക്സിന് തന്നെ സ്വീകരിക്കാന് പ്രത്യേകം ശ്രദ്ധിക്കുക. നേരിട്ടും ഓണ് ലൈന് ബുക്കിംഗ് വഴിയും കരുതല് ഡോസ് വാക്സിനേടുക്കാം. ഓണ്ലൈന് വഴി ബുക്ക് ചെയ്ത് വരുന്നതായിരിക്കും നല്ലത്.
