1985 ൽ കൊച്ചിയിലെ ഒരു കൂട്ടം യുവാക്കൾ ചേർന്ന് കൊച്ചിൻ കാർണിവൽ ആരംഭിച്ചതോടെയാണ് പാപ്പാഞ്ഞിയുടെ കടന്നു വരവ്. പോർച്ചുഗീസ് ഭാഷയിൽ പാപ്പാഞ്ഞി എന്നാൽ മുത്തച്ഛൻ എന്നാണർത്ഥം. കഴിഞ്ഞ വർഷത്തോട് വിടപറയുക എന്നർത്ഥത്തിലാണ് പാപ്പാഞ്ഞിയെ കത്തിക്കുന്നത്. പാപ്പാഞ്ഞി കത്തിയമരുന്നതിലൂടെ പോയവർഷത്തെ തിൻമയും അതോടൊപ്പം ഇല്ലാതാവും എന്നാണ് വിശ്വാസം. പാപ്പാഞ്ഞിയെ കത്തിക്കുന്നത് കാണാനും പുതുവത്സര രാവ് ആഘോഷിക്കാനും ഫോർട്ട് കൊച്ചിയിലെ പരേഡ് ഗ്രൗണ്ടിലേക്ക് വിദേശികളുൾപ്പെടെ നിരവധി പേർ എത്താറുണ്ടായിരുന്നു.
