kerala
'ഹലാല് വിവാദം മതസൗഹാര്ദം തകര്ക്കാനുള്ള നീക്കം, പിന്നില് ആര്എസ്എസ്': കോടിയേരി ബാലകൃഷ്ണന്
'പൊതുസമൂഹം അതിന് എതിരാണെന്ന് കണ്ടപ്പോള് സംസ്ഥാന നേതൃത്വം അതിനെ തള്ളിപറഞ്ഞതായി കാണുന്നുണ്ട്. ഇത്തരം കാര്യങ്ങള് പ്രോത്സാഹനം കൊടുക്കുന്ന നിലപാട് ആരുടെ ഭാഗത്ത് നിന്നും ഉണ്ടാവാന് പാടില്ല. അത് കേരളീയ സമൂഹത്തില് മതമൈത്രി തന്നെ തകര്ക്കപ്പെടുന്നതിന് കാരണമായേക്കും. മറ്റു പല സംസ്ഥാനങ്ങളിലും അത്തരമൊരു സ്ഥിതിയുണ്ടെങ്കിലും കേരളത്തില് വ്യത്യസ്ഥത പുലര്ത്തുന്ന ഒരു സംസ്ഥാനമാണ്. ഇത് തകര്ക്കാനുള്ള നീക്കത്തെ കേരളസമൂഹം അംഗീകരിക്കുമെന്ന് തോന്നുന്നില്ല.' കോടിയേരി പറഞ്ഞു.
ബിജെപിയുടെ നിലപാടായിട്ട് ഇക്കാര്യം പുറത്ത് വന്നതായി കാണുന്നില്ല. ബിജെപി സംസ്ഥാന പ്രസിഡണ്ട് തന്നെ അതിനെ തള്ളി പറഞ്ഞു. അവര്ക്ക് തന്നെ ഇക്കാര്യത്തില് ഒരു വ്യക്തമല്ല. അത് ആര്എസുഎസുമായി ബന്ധപ്പെട്ട ആളുകള് നടത്തുന്ന പ്രസ്താവനയായിട്ടാണ് തോന്നുന്നതെന്നും കോടിയേരി ബാലകൃഷ്ണന് കൂട്ടിചേര്ത്തു.
