gulf update
കുവൈത്തിൽ 32000 പ്രവാസികളുടെ ഡ്രൈവിംഗ് ലൈസൻസ് റദ്ദാക്കി
കുവൈത്തിൽ ഈ കഴിഞ്ഞ 10 മാസത്തിനിടെ 32000 പ്രവാസികളുടെ ഡ്രൈവിംഗ് ലൈസൻസുകൾ റദ്ദാക്കി. ലൈസൻസ് ലഭിക്കുന്നതിനുള്ള മാനദണ്ഡങ്ങൾ പാലിക്കാത്തതും വ്യാജ രേഖകൾ നൽകിയവരുടെയും ലൈസൻസുകളാണ് റദ്ദാക്കിയത്. ഇതിനു പുറമെ 2400 കുവൈത്ത് സ്വദേശികളുടെയും ലൈസൻസ് റദ്ദാക്കി. ഇവരിൽ ഭൂരിഭാഗവും സ്ത്രീകളാണ്.
മാനസിക രോഗമുള്ളവർ, കാഴ്ച പരിശോധനയിൽ പരാജയപ്പെട്ടവർ തുടങ്ങിയവരുടെ ലൈസൻസുകളാണ് റദ്ദാക്കിയത്.41000 ഡ്രൈവിംഗ് ലൈസൻസുകളാണ് കുവൈത്തിൽ കഴിഞ്ഞ 10 മാസത്തിനിടെ പ്രവാസികൾക്ക് അനുവദിച്ചത്. കഴിഞ്ഞ വർഷത്തെ അപേക്ഷിച്ച് 43 ശതമാനം കുറവാണിത്. ലൈസൻസ് ലഭിക്കുന്നതിനുള്ള മാനദണ്ഡങ്ങൾ കർശനമാക്കിയതാണ് അനുവദിക്കുന്ന ലൈസൻസുകളുടെ എണ്ണം കുറയാൻ കാരണം.
