national
അധ്യാപക ദിനത്തിൽ തന്നെ ക്രൂരത പുറത്ത് : കൃത്യസമയത്ത് ഫീസ് അടക്കാത്തതിനാൽ അധ്യാപകന് വിദ്യാർത്ഥിയെ അടിച്ചുകൊന്നു
ആഗ്ര : കൃത്യസമയത്ത് ഫീസ് നല്കാത്തതിന് 12 വയസ്സുകാരനെ ട്യൂഷന് അധ്യാപകന് അടിച്ചുകൊന്നു. ഉത്തര്പ്രദേശിലെ മഥുരയിലെ റദോയി ഗ്രാമത്തിലാണ് സംഭവം നടന്നത്. 12 വയസ്സുള്ള ശിവം എന്ന വിദ്യാര്ഥിയാണ് കൊല്ലപ്പെട്ടത്. സംഭവത്തില് അധ്യാപകനായ ഗൗത(26)മിനെ അറസ്റ്റ് ചെയ്തതായും കൊലക്കുറ്റം ഉള്പ്പെടെയുള്ള വകുപ്പുകള് ചുമത്തിയാണ് ഇയാള്ക്കെതിരേ കേസെടുത്തിരിക്കുന്നതെന്നും പൊലീസ് പറഞ്ഞു.
കൊല്ലപ്പെട്ട വിദ്യാര്ഥി കഴിഞ്ഞ നാല് മാസമായി ഗൗതമിന്റെ അടുത്ത് ട്യൂഷന് പോയിരുന്നു. ഒരുമാസം 250 രൂപയായിരുന്നു ട്യൂഷന് ഫീസ്. എല്ലാമാസവും 25-ാം തീയതിയാണ് വിദ്യാര്ഥി ഫീസ് അടച്ചിരുന്നത്. എന്നാല് കഴിഞ്ഞമാസം അസുഖമായതിനാല് ക്ലാസില് പോകാനും കൃത്യസമയത്ത് ഫീസ് അടയ്ക്കാനും കഴിഞ്ഞില്ല. ഓഗസ്റ്റ് 29-ാം തീയതി ഇക്കാര്യത്തെച്ചൊല്ലി ഗൗതം വിദ്യാര്ഥിയെ വഴക്കുപറഞ്ഞു. തുടര്ന്ന് വടി കൊണ്ട് ക്രൂരമായി മര്ദിക്കുകയായിരുന്നു. അധ്യാപകന്റെ മര്ദനത്തില് ഗുരുതരമായി പരിക്കേറ്റ കുട്ടിയെ വീട്ടുകാരാണ് ആശുപത്രിയില് എത്തിച്ചത്. എന്നാൽ, ചികിത്സയിലിരിക്കെ കഴിഞ്ഞ ദിവസം
കുട്ടി മരണത്തിന് കീഴടങ്ങുകയായിരുന്നു.
