kerala
ക്ലാസുകള് മൂന്നിലൊന്ന് കുട്ടികളെ വച്ച്; യൂണിഫോമും ഹാജറും നിര്ബന്ധമില്ല
തിരുവനന്തപുരം: സംസ്ഥാനത്ത് സ്കൂള് തുറക്കുന്നതിന്റെ ആദ്യഘട്ടത്തില് ക്ലാസുകള് മൂന്നിലൊന്ന് കുട്ടികളെ വച്ച് നടത്താന് ആലോചന.
യൂണിഫോമും ഹാജറും നിര്ബന്ധമായിരിക്കില്ല. വിദ്യാഭ്യാസ മന്ത്രി വിളിച്ച യോഗത്തിലാണ് അധ്യാപക സംഘടനകള് ആവശ്യങ്ങള് ഉന്നയിച്ചത്.
ആദ്യഘട്ടത്തില് ഒരു ഷിഫ്റ്റില് 25% വിദ്യാര്ത്ഥികളെ മാത്രം ഉള്ക്കൊള്ളിച്ച് ക്ലാസുകള് നടത്തണമെന്ന് അധ്യാപക സംഘടനകള് പറഞ്ഞു. പ്രൈമറി ക്ലാസുകളിലെ വിദ്യാര്ഥികള്ക്ക് ഒരു മാസത്തേക്കെങ്കിലും ബ്രിഡ്ജ് കോഴ്സുകള് സംഘടിപ്പിക്കണമെന്ന് അധ്യാപകര് പറയുന്നു.
