international desk
68 -കാരനുമായി പ്രണയത്തിലായി 24 -കാരി; പ്രേമിക്കാന് പ്രായവ്യത്യാസം ഒരു തടസമേയല്ലെന്ന് യുവതി
പ്രേമത്തിന് പ്രായം ഒരു പ്രശ്നമല്ലെന്ന് തെളിയിച്ചിരിക്കുകയാണ് 24കാരി കോനി കോട്ടനും 68കാരനായ ഹെര്ബ് ഡിക്കേഴ്സനും. 2018 ൽ ഇരുവരും വിര്ജീനിയയിലെ ഒരു അഭയകേന്ദ്രത്തില് സന്നദ്ധപ്രവര്ത്തനം നടത്തുന്നതിനിടെയാണ് കണ്ടുമുട്ടിയത്. ഇതോടെ പ്രണയം മൊട്ടിട്ടു.
നാലുമാസത്തിന് ശേഷം അവര് ഒന്നിച്ച് താമസിക്കാന് തുടങ്ങി. കഴിഞ്ഞ വര്ഷം അവരുടെ വിവാഹനിശ്ചയവും നടന്നു. ഞങ്ങള് തമ്മില് അടുക്കുന്നത് കണ്ട് ആളുകള് ആദ്യം ഞെട്ടിപ്പോയി. പലരും ഞങ്ങളുടെ ബന്ധത്തെ മോശമായ രീതിയില് വ്യാഖ്യാനിച്ചു.പണത്തിന് വേണ്ടിയാണ് അദ്ദേഹത്തിന്റെ പുറകെ നടക്കുന്നത് എന്നും, എന്നെപ്പോലുള്ള ഒരു ചെറുപ്പക്കാരിയെ അദ്ദേഹം പ്രേമിക്കുന്നത് വെറും സെക്സിന് വേണ്ടിയാണെന്നുമൊക്കെ ആളുകള് അപവാദം പറഞ്ഞുണ്ടാക്കിയെന്ന് കോനി പറയുന്നു.
ആദ്യം വീട്ടിലും എതിർപ്പുണ്ടായിരുന്നെന്നും ഇപ്പോൾ പ്രശ്നങ്ങളില്ലെന്നും കോന്നി പറയുന്നു. കൃഷിക്കാരിയായ കോനി ലഹരിമരുന്നുകള്ക്ക് അടിമയായിരുന്നു. ഹെര്ബും സമാന പാതയില് സഞ്ചരിച്ചിരുന്ന ഒരാളായിരുന്നു. എന്നാല്, അതില് നിന്ന് പുറത്ത് വരാന് ഇരുവര്ക്കും കഴിഞ്ഞത് അവരുടെ ഈ പ്രണയം മൂലമാണ്.
