kerala
പ്രായപൂര്‍ത്തിയാകാത്ത കുട്ടികളെ റോഡില്‍ ഉപേക്ഷിച്ചു; കാമുകനൊപ്പം കറങ്ങിയ യുവതി പിടിയില്‍
ചെന്നൈ, രാമേശ്വരം, തേനി, ബംഗളൂരു തുടങ്ങിയ സ്ഥലങ്ങളില്‍ കറങ്ങി തിരികെ നാട്ടിലെത്തി കടമ്മനിട്ടയിലുള്ള സുഹൃത്തിന്റെ വീട്ടില്‍ രഹസ്യമായി കഴിയവേയാണ് ഇരുവരും പോലീസ് പിടിയിലായത്. സിം കാര്‍ഡ് മാറ്റി ഉപയോഗിച്ചായിരുന്നു ഇവരുടെ സഞ്ചാരം. ബീനയുടെ ഭര്‍ത്താവ് മുന്‍പ് ഗള്‍ഫിലായിരുന്നു. ജുവനൈല്‍ ജസ്റ്റിസ് നിയമപ്രകാരം കേസ് രജിസ്റ്റര്‍ ചെയ്ത് കോടതിയില്‍ ഹാജരാക്കിയ ഇരുവരെയും റിമാന്‍ഡ് ചെയ്തു. ബീന അട്ടക്കുളങ്ങര സബ് ജയിലിലും രതീഷ് കൊട്ടാരക്കര ജയിലിലുമാണ്.
തലച്ചിറയില്‍ ഹോട്ടല്‍ നടത്തുന്ന രതീഷ് രണ്ടു തവണ വിവാഹിതനും നിരവധി കേസുകളിലെ പ്രതിയുമാണ്. പത്തനംതിട്ട ഡി.വൈ.എസ്.പി.കെ സജീവിന്റെ നേതൃത്വത്തിലുള്ള അന്വേഷണത്തില്‍ എസ്എച്ച്ഒ ജി.സുനില്‍, എസ്‌ഐമാരായ സുരേഷ്, ജോണ്‍സണ്‍, എസ്‌സിപിഒ അഭിലാഷ് എന്നിവരും ഉള്‍പ്പെട്ടിരുന്നു
