kerala
ഹൽവ കണ്ടപ്പോൾ ചെറിയ സംശയം; തുറന്നുനോക്കിയപ്പോൾ ഉള്ളിൽ കഞ്ചാവ്: കാസർകോട് സ്വദേശിയായ യുവാവ് പിടിയിൽ
10 ഗ്രാം കഞ്ചാവാണ് വിമാനത്താവളത്തില് സുരക്ഷാ പരിശോധനകള്ക്കിടെ സിഐഎസ്എഫ് പിടികൂടിയത്. ഇന്നലെ ബഹ്റൈനിലേക്കു പോകാനെത്തിയതായിരുന്നു സുധീഷ്. ബാഗേജ് പരിശോധനയ്ക്കിടെ സംശയം തോന്നി ഹല്വപ്പൊതി തുറന്നു നോക്കുകയായിരുന്നു.
ഹല്വ പൊട്ടിച്ചുനോക്കിയപ്പോഴാണ് കഞ്ചാവ് കണ്ടെത്തിയത്. ബഹ്റൈനിലുള്ള കൂട്ടുകാരനു നല്കാനായി ബന്ധുക്കള് തന്നു വിട്ടതാണെന്നും പൊതിയില് കഞ്ചാവ് ഒളിപ്പിച്ചിരുന്ന കാര്യം അറിയില്ലെന്നും ഇയാള് പറഞ്ഞു.
