News update
വില്ലേജ് ഓഫീസര് കൈ ഞരമ്പ് മുറിച്ച് ആത്മഹത്യക്ക് ശ്രമിച്ച സംഭവത്തില് സംസ്ഥാന മനുഷ്യാവകാശ കമ്മീഷന് കേസെടുത്തു
ആത്മഹത്യാശ്രമം കുറ്റകരമാണെങ്കിലും അതിലേക്ക് നയിച്ച കാര്യങ്ങള് അന്വേഷിക്കപ്പെടേണ്ടതാണ്. സര്ക്കാര് ഉദ്യോഗസ്ഥരുടെ ഔദ്യോഗിക കാര്യങ്ങളില് സ്വാധീനം ചെലുത്താന് ശ്രമിക്കുന്നത് കുറ്റകരമാണെന്നും കമ്മീഷന് ഉത്തരവില് വ്യക്തമാക്കി.
വാര്ത്തകളുടെ അടിസ്ഥാനത്തില് സ്വമേധയാ രജിസ്റ്റര് ചെയ്ത കേസിലാണ് നടപടി. അമിതമായ രാഷ്ട്രീയ സ്വാധീനം കാരണം സ്ഥലം മാറ്റത്തിന് ശ്രമിക്കുന്നതിനിടയിലാണ് വനിതാ വില്ലേജ് ഓഫീസര് ആത്മഹത്യക്ക് ശ്രമിച്ചത്. നിരന്തര മാനസിക പീഡനമാണ് സംഭവത്തിലേക്ക് നയിച്ചതെന്ന് കമ്മീഷന് ഉത്തരവില് പറഞ്ഞു
