കെസി വേണുഗോപാലാണ് ജെബി മേത്തറിന്റെ പേര് നിർദേശിച്ചിരുന്നത്. വർഷങ്ങൾക്ക് ശേഷമാണ് കേരളത്തിൽ നിന്നും കോൺഗ്രസിന്റെ പ്രതിനിധിയായി ഒരു വനിത വരുന്നത്. വനിതകൾക്ക് പ്രാതിനിധ്യം നൽകണമെന്ന ആവശ്യം കോൺഗ്രസിൽ ഉയർന്നിരുന്നു. മുസ്ലിം പ്രാതിനിധ്യം എന്ന ഘടകവും ജെബി മേത്തറിന് അനുകൂലമായി.
എം ലിജു, ജെബി മേത്തർ, കെപിസിസി മുൻ ജനറൽ സെക്രട്ടറി ജെയ്സൺ ജോസഫ് എന്നീ മൂന്ന് പേരുകളാണ് കേരളത്തിൽ നിന്ന് രാജ്യസഭാ സ്ഥാനാർത്ഥിത്വത്തിനായി നൽകിയിരുന്നത്.
എം ലിജു, സതീശൻ പാച്ചേനി എന്നിവരുടെ പേര് പരിഗണിച്ചിരുന്നെങ്കിലും മുൻ തെരഞ്ഞെടുപ്പുകളിൽ പരാജയപ്പെട്ടവരെ പരിഗണിക്കരുത് എന്ന ആവശ്യം ഉയർന്നതോടെ അവരെ ഒഴിവാക്കുകയായിരുന്നു.
ലതിക സുഭാഷ് പാര്ട്ടിയിൽ നിന്നും രാജിവെച്ചൊഴിഞ്ഞതോടൊയാണ് മഹിളാ കോണ്ഗ്രസ് അധ്യക്ഷയായി ജെബി മേത്തറിനെ തെരഞ്ഞെടുത്തത്. യൂത്ത് കോണ്ഗ്രസിന്റെ മുൻ സംസ്ഥാന ജനറല് സെക്രട്ടറിയായും ജെബി മേത്തർ പ്രവർത്തിച്ചിട്ടുണ്ട്. കെപിസിസി സെക്രട്ടറിയും എഐസിസി അംഗം കൂടിയാണ് ജെബി മേത്തർ.
