1942-ല്‍ 'കിടി ഹസാല്‍' എന്ന മറാത്തി ചിത്രത്തില്‍ ''നാചു യാ ഗാഥേ..ഖേലു നാ മണി ഹാസ് ബാരി..'' എന്ന ഗാനത്തിലൂടെയാണ് ലത മങ്കേഷ്‌കര്‍ എന്ന ഗായികയുടെ ജനനം. പക്ഷെ ഈ ഗാനം സിനിമയില്‍ പ്രത്യക്ഷപ്പട്ടില്ല. എന്നാല്‍ അതെ വര്‍ഷം തന്നെ 'പാഹിലി മംഗള-ഗോര്‍' എന്ന മറാത്തി ചിത്രത്തില്‍ അഭിനയിക്കുകയും ''നടാലി ചൈത്രാചി നവാലായി...'' എന്ന ഗാനം ആലപിക്കുകയും ചെയ്തു.1948ല്‍ പുറത്തിറങ്ങിയ 'മജ്ബൂര്‍' എന്ന ചിത്രത്തിന് വേണ്ടി ''മേരാ ദില്‍ തോഡാ..'' എന്ന ഗാനം പുറത്തെത്തിയതോടെ ലത മങ്കേഷ്‌കര്‍ എന്ന ഗായിക ശ്രദ്ധേയയാകാന്‍ തുടങ്ങി.
നിരവധി പുരസ്‌കാരങ്ങളും ഈ ഗായികയെ തേടിയെത്തി. 1969ല്‍ പത്മഭൂഷണ്‍,1999ല്‍ പത്മവിഭൂഷണ്‍, 1989ല്‍ ദാദാസാഹിബ് ഫാല്‍ക്കെ പുരസ്‌കാരം, 2001ല്‍ ഭാരതരത്‌നം, മൂന്ന് നാഷനല്‍ ഫിലിം അവാര്‍ഡുകള്‍, 12 ബംഗാള്‍ ഫിലിം ജേര്‍ണലിസ്റ്റ് അസോസിയേഷന്‍ അവാര്‍ഡുകള്‍ എന്നിവയും ലത മങ്കേഷ്‌കറിന്റെ നേട്ടങ്ങളാണ്.
