kerala
ഹൈക്കോടതി ഇനി പൂര്ണമായും ഇ-ഫയലിങിലേക്ക്; ഹരജികള് നേരിട്ടെത്തി നല്കേണ്ടതില്ല
നിയമ സംവിധാനത്തിലെ സുപ്രധാന നാഴികല്ലാണ് ഇതെന്ന് പദ്ധതി ഉദ്ഘാടനം ചെയ്തുകൊണ്ട് ഡി വൈ ചന്ദ്രചൂഡ് പറഞ്ഞു. കൊവിഡ് കാലത്ത് കേസുകള് തീര്പ്പാക്കുന്നതിലെ കേരളത്തിന്റെ പ്രകടനം മികച്ചതായിരുന്നുവെന്നും ഡവൈ ചന്ദ്രചൂഡ് പ്രശംസിച്ചു.
ഹൈകോടതിയില് ഇ-ഫയലിങ് നടപ്പാക്കിയതോടെ ജനങ്ങള്ക്ക് ഹരജികളും മറ്റു അനുബന്ധ രേഖകളും കോടതിയില് നേരിട്ടെത്തി സമര്പ്പിക്കേണ്ടതില്ല. കൊവിഡ് വ്യാപനമുണ്ടായിരുന്ന സമയത്ത് ഭാഗികമായി ഇ-ഫയലിങ് നടപ്പാക്കിയിരുന്നു. അന്ന് എതിര്പ്പുകളുയര്ന്നെങ്കിലും ഹൈക്കോടതി ഭരണവിഭാഗം പദ്ധതിയുമായി മുന്നോട്ടു പോവുകയായിരുന്നു.
പൂര്ണമായും ഇ ഫയലിങ് നടപ്പാക്കിയാല് സംസ്ഥാനത്തെ പതിനായിരത്തോളം വക്കീല് ജീവനക്കാര്ക്ക് തൊഴില് നഷ്ടമാകുമെന്ന ആശങ്കയായിരുന്നു എതിര്പ്പിന് കാരണം. ഹൈക്കോടതി ഐടി സംഘമാണ് ഇ-ഫയലിങ് പദ്ധതികള് നടപ്പാക്കിയത്.
