national
'അത് ഇത്തിരി കൂടുതലല്ലേ?'; ഗുജറാത്തില്‍ മദ്യപാനിയുടെ തടവുശിക്ഷ ആറുമാസത്തില്‍ നിന്ന് 35 ദിവസമായി കുറച്ച് കോടതി
2018 ഏപ്രിൽ 7-ന് മാൻസയിലെ മജിസ്‌റ്റീരിയൽ കോടതി നടത്തിയ വിചാരണയില്‍ രണ്ട് കേസിലും സെക്ഷൻ 66(1)(ബി) പ്രകാരം മഹേത കുറ്റക്കാരനാണെന്ന് വിധിക്കുകയും മറ്റ് കുറ്റങ്ങളിൽ നിന്ന് മോചിപ്പിക്കുകയും ചെയ്തു. രണ്ടുകേസുകളിലുമായി ആറ് മാസം തടവും 1000 രൂപ പിഴയുമായിരുന്നു വിധിച്ചത്. ഈ വിധിയെ ചോദ്യം ചെയ്ത് ഹർജിക്കാരന് സെഷന്‍സ് കോടതിയെ സമീപിക്കുകയായിരുന്നു. രണ്ട് കേസുകളിലും വിചാരണ കോടതി വിധി ശരിവെച്ച സെഷന്‍സ് കോടതി പക്ഷേ ആറുമാസത്തെ തടവു ശിക്ഷ അധികമാണെന്ന് നിരീക്ഷിക്കുകയായിരുന്നു.
ഹർജിക്കാരന് ക്രിമിനൽ പശ്ചാത്തലം ഇല്ലെന്നും ഈ സാഹചര്യത്തില്‍ ആദ്യ കേസില്‍ 15 ദിവസമായും രണ്ടാമത്തെ കേസില്‍ 10 ദിവസമായും ശിക്ഷ കുറച്ച് വിധി പുറപ്പെടുവിച്ചു. പ്രതിയുടെ പ്രായവും പരിശോധനയില്‍ ശരീരത്തില്‍ കണ്ടെത്തിയ മദ്യത്തിന്റെ അളവ് കുറവാണെന്നതും ഈ അവസരത്തില്‍ കോടതി ചൂണ്ടിക്കാട്ടി. മദ്യപാനത്തിന് ശിക്ഷിക്കാമെങ്കിലും ദീർഘകാലത്തേക്ക് ശിക്ഷ വിധിക്കരുതെന്നും, കുറ്റകൃത്യങ്ങളില്‍ യുക്തിപരമായി ശിക്ഷ നിശ്ചയിക്കണമെന്നും കോടതി പറഞ്ഞു.
ഗുജറാത്തിലെ മദ്യനിരോധന നിയമ പ്രകാരം മദ്യപിച്ച് പിടിക്കപ്പെടുകയാണെങ്കില്‍ ആദ്യ തവണ പരമാവധി ആറ് മാസം തടവും 1000 രൂപ പിഴയും, രണ്ടാമത് പിടിക്കപ്പെടുകയാണെങ്കില്‍ രണ്ട് വർഷം വരെ തടവും 2,000 രൂപ വരെ പിഴയും ലഭിക്കാവുന്ന കുറ്റമാണത്.
