national
പ്രക്ഷോഭം തുടരും; ട്രാക്ടര് റാലിയില് നിന്ന് പിന്നോട്ടില്ലെന്ന് പ്രഖ്യാപിച്ച് കര്ഷക സംഘടനകള്
കാര്ഷിക നിയമങ്ങള് പിന്വലിക്കുമെന്ന പ്രധാനമന്ത്രിയുടെ പ്രഖ്യാപനത്തിന് പിന്നാലെയാണ് സമരം തുടരുന്നതുമായി ബന്ധപ്പെട്ട കാര്യങ്ങള് ചര്ച്ച ചെയ്യാന് കര്ഷകര് യോഗം ചേര്ന്നത്. കാബിനറ്റില് പോലും കൂടിയാലോചനകള് നടത്താതെയാണ് പ്രധാനമന്ത്രിയുടെ പ്രഖ്യാപനം. നിയമം റദ്ദാക്കുന്നതിനുളള സാങ്കേതിക നടപടികള് സര്ക്കാര് പൂര്ത്തിയാക്കണമെന്നും യോഗം ആവശ്യപ്പെട്ടു.
കര്ഷകര്ക്കുമേല് ചുമത്തിയിട്ടുളള കേസുകള് പിന്വലിക്കണം, സമരത്തിനിടെ കൊല്ലപ്പെട്ട കര്ഷകരുടെ കുടുംബങ്ങള്ക്ക് ധനസഹായം നല്കണം എന്നതുള്പ്പെടെയുളള ആവശ്യങ്ങള് സര്ക്കാരിനോട് ഉന്നയിക്കും. സര്ക്കാര് കര്ഷകരുമായി ചര്ച്ച നടത്തിയാല് മാത്രമെ സമരം അവസാനിപ്പിക്കുന്നത് സംബന്ധിച്ച അന്തിമ തീരുമാനം എടുക്കുകയൊളളൂവെന്നും യോഗം അഭിപ്രായപ്പെട്ടു.
