കോഴിക്കോട് മിഠായിത്തെരുവില് തീപിടുത്തം. പാളയം മൊയ്തീന് പള്ളിക്കു സമീപം വികെഎം ബില്ഡിങ്ങില് പ്രവര്ത്തിക്കുന്ന ജെആര് ഫാന്സി സ്റ്റോറിന്റെ മൂന്നാം നിലയിലാണ് തീപിടിച്ചത്. ഇവിടെ നിരവധി കടകളുള്ളതിനാല് സമീപത്തുള്ള കടകളിലേക്ക് തീ പടരുന്നത് തടയാനുള്ള ശ്രമത്തിലാണ് അഗ്നിരക്ഷാസേന.
മീഞ്ചന്ത, കോഴിക്കോട് ബീച്ച് എന്നിവിടങ്ങളിലെ ഫയര് സ്റ്റേഷനുകളില് നിന്ന് അഞ്ച് യൂണിറ്റ് ഫയര് എഞ്ചിന് സ്ഥലത്ത് എത്തി. രക്ഷാ പ്രവര്ത്തനങ്ങള് പുരോഗമിച്ചു കൊണ്ടിരിക്കുകയാണ്. കെട്ടിടത്തില് നിന്ന് രണ്ടു പേരെ രക്ഷാപ്രവര്ത്തകര് രക്ഷപ്പെടുത്തി. താഴത്തെ രണ്ടു നിലകളിലെയും മുഴുവന് ആളുകളെയും ഒഴിപ്പിച്ചു കഴിഞ്ഞു.
എങ്ങനെയാണ് തീപിടുത്തം ഉണ്ടായെന്ന കാര്യത്തില് ഇതുവരെ വ്യക്തത വന്നിട്ടില്ല. പൊലീസും, ഫയര് ഫോഴ്സും, നാട്ടുകാരും ചേര്ന്ന് തീ അണയ്ക്കാന് ശ്രമിക്കുകയാണ്.
