രാജ്യം എഴുപത്തിയഞ്ചാം സ്വാതന്ത്ര്യ ദിനാഘോഷത്തിന്റെ നിറവില്
- മൂന്നു വര്ണ്ണങ്ങളില് ഇന്ത്യ ഒന്നിക്കുന്ന ദിനമാണിന്ന്. ഓഗസ്റ്റ് 15. ഇന്ത്യന് ഉപഭൂഖണ്ഡത്തെ അധിനിവേശത്തിന്റെ കോളനിവല്ക്കരിച്ച ബ്രിട്ടീഷ് ഭരണത്തില് നിന്ന് സ്വാതന്ത്ര്യം നേടിയ ദിനം. അതു നമ്മള് ആഘോഷിക്കുന്നു. സ്വാതന്ത്രസമരത്തില് നേരിട്ടു പങ്കെടുത്ത തലമുറ എന്നും പോരാട്ടസ്മരണകളുടെ യൗവ്വനങ്ങളിലാണ്. അവര്ക്ക് വാര്ദ്ധക്യമില്ല, മരണമില്ല. സ്വാതന്ത്ര്യാനന്തര കാലത്തു ജനിച്ചവരുടെ തലമുറയാണ് ഇന്ന് ഇന്ത്യയെ നയിക്കുന്നവര്. ദേശീയതയുടേയും പോരാട്ടത്തിന്റെയും ഓര്മ്മകള് ഇന്ന് ഓരോ ഭാരതീയനിലും അലയടിക്കും. പൂര്വ്വികര് ബലിനല്കിയ ജീവനിലാണ് ഇന്ന് നാം സ്വാതന്ത്ര്യം അനുഭവിക്കുന്നതെന്നറിയുക.ഒരിക്കലും അടിമത്തത്തിലേയേക്ക് തിരിച്ചു പോകാതിരിക്കാന് ജാഗ്രത പുലര്ത്തുക
- പ്രധാനമന്ത്രി ചെങ്കോട്ടയില് ത്രിവര്ണ്ണ പതാക ഉയര്ത്തുമ്പോള് ഭാരതീയന്റെ അഭിമാനവും വാനോളം ഉയരും. പതിനെട്ടാം നൂറ്റാണ്ടു മുതല് അനുഭവിച്ചു തുടങ്ങിയ വൈദേശിക ഭരണത്തിന്റെ അവസാനവേരും പറിച്ചെറിഞ്ഞ നിമിഷമാണത്. കച്ചവടക്കാരായി വന്ന് രാജ്യത്തെ കീഴടക്കിയ പാശ്ചാത്യബുദ്ധിയെ കടല്കടത്തിവിട്ട നിമിഷം. ഈ വര്ഷം ടോക്കിയോ ഒളിംപിക്സ് ഗെയിസില് മെഡലുകള് നേടിയ എല്ലാവരുടെയും സാന്നിധ്യത്തിലാണ് പ്രധാനമന്ത്രി നരേന്ദ്ര മോദി ചെങ്കോട്ടയില് ദേശീയ പതാക ഉയര്ത്തുക. സ്വാതന്ത്ര്യസമരത്തിന്റെ ഉജ്വലരംഗങ്ങളും, ഇന്ത്യയുടെ സാംസ്കാരിക വൈവിധ്യം പ്രദര്ശിപ്പിക്കുന്ന പരേഡുകളും ഘോഷയാത്രകളും ഈ ദിവസം അരങ്ങേറും
- എഴുപത്തി അഞ്ചാം സ്വാതന്ത്ര്യദിനം പ്രമാണിച്ച് സംസ്ഥാനത്തെ ജനങ്ങള്ക്കും ലോകമെമ്പാടുമുള്ള കേരളീയര്ക്കും ഗവര്ണര് ശ്രീ.ആരിഫ് മുഹമ്മദ് ഖാന്ആശംസകള് നേര്ന്നു. 'ലോകത്തെ ഏറ്റവും വലിയ ജനാധിപത്യ രാജ്യത്തെ പൗരന്മാരാണ് നാം.ഉദാത്തമായ ജനാധിപത്യമൂല്യങ്ങളിലൂടെ സ്വാതന്ത്ര്യത്തെയും സമത്വത്തെയും നിലനിര്ത്തി എല്ലാവര്ക്കും കൂടുതല് അന്തസ്സര്ന്ന ജീവിതം ഉറപ്പാക്കാന് ശ്രമിക്കേണ്ടത് നമ്മുടെ കടമയാണ്.വര്ദ്ധിച്ച പുരോഗതിയുയും സ്വാശ്രയത്വവും എല്ലാവരെയും ഉള്ക്കൊള്ളുന്ന സ്ഥിതിയും കൈവരിക്കാനുള്ള ഭാരതത്തിന്റെ ഉദ്യമങ്ങള്ക്ക് ശക്തി പകരുന്നതാണ് നമ്മുടെ സ്വാതന്ത്ര്യത്തിനുവേണ്ടി ജീവന് ബലിയര്പ്പിച്ചവര്ക്കുള്ള ഉചിതമായ ശ്രദ്ധാഞ്ജലി.
ഗവര്ണര് ആശംസയില് പറഞ്ഞു.
- മുഖ്യമന്ത്രി പിണറായി വിജയന്റെ സ്വാതന്ത്ര്യ ദിനാശംസകള്
നമ്മുടെ ഭരണഘടന വിഭാവനം ചെയ്ത സോഷ്യലിസവും മതേതരത്വവും ജനാധിപത്യവും നിലനില്ക്കുന്ന സ്വതന്ത്ര പരമാധികാര രാഷ്ട്രമായി ഇന്ത്യയെ അടയാളപ്പെടുത്തുന്നതിനാവശ്യമായ ചിന്തകളാല് സമ്പന്നമായിരിക്കണം സ്വാതന്ത്ര്യ ദിനാഘോഷങ്ങള്. വിമോചനത്തിന്റേയും സാമ്രാജ്യത്വവിരുദ്ധതയുടേയും തുല്യതയുടേയും ദര്ശനങ്ങളാല് സമ്പന്നമായിരുന്ന നമ്മുടെ ദേശീയതയെ തിരിച്ചു പിടിച്ചുകൊണ്ട്, വിഭാഗീയവും വര്ഗീയവും മനുഷ്യത്വശൂന്യവും മതാത്മകവുമായ ഫാസിസ്റ്റ് ദേശീയബോധത്തെ നിഷ്കാസനം ചെയ്യേണ്ട സന്ദര്ഭമാണിത്. അതിനാവശ്യമായ ഇച്ഛാശക്തിയോടെ മുന്നോട്ടു പോകുമെന്ന് നമുക്ക് ഇന്ന് പ്രതിജ്ഞ ചെയ്യാം. സ്വാതന്ത്ര്യമെന്ന വാക്കിനെ അര്ത്ഥപൂര്ണമാക്കാം. നമ്മുടെ നാടിനെ ചരിത്രത്തിലേറ്റവും സമ്പന്നവും സമാധാനപൂര്ണവും ആയ മാതൃകാസ്ഥാനമാക്കി മാറ്റാം. എല്ലാവര്ക്കും ഹൃദയപൂര്വം സ്വാതന്ത്ര്യദിന ആശംസകള്.
- നിയമസഭാ സ്പീക്കര് എം ബി രാജേഷിന്റെ സ്വാതന്ത്ര്യ ദിനാശംസകള്
ഐതിഹാസികവും ത്യാഗോജ്വലവുമായ കോളോണിയല് വിരുദ്ധസമരത്തിലൂടെ നേടിയ സ്വാതന്ത്ര്യത്തിന്റെ ഓര്മ്മ നാം വീണ്ടും പുതുക്കുന്നു.അടിമത്തവും ചൂഷണവുമില്ലാത്ത ജീവിതം എന്ന ദേശസ്നേഹികളായ മുന്തലമുറയുടെ സ്വപ്നം പൂര്ത്തീകരിക്കാനുള്ള പാതയിലാണ് കഴിഞ്ഞ ഏഴരപ്പതിറ്റാണ്ടായി നമ്മള് മുന്നോട്ട് പോകുന്നത്. ഭരണഘടനയിലൂടെ ഉയര്ത്തിപ്പിടിച്ച മതനിരപേക്ഷതയും ജനാധിപത്യവും വലിയ വെല്ലുവിളി നേരിടുന്ന സന്ദര്ഭമാണിത്. അക്രമാസക്തമായ മത രാഷ്ട്രവാദവും അതിന്റെ മറവിലൂടെ നടക്കുന്ന കോര്പ്പറേറ്റ് ചൂഷണവും നാടിനെ നടുക്കുന്നു. സാമൂഹ്യനീതിയുടെയും മനുഷ്യത്വത്തിന്റെയും ഐക്യബോധത്തെ ശക്തിപ്പെടുത്തി സ്വാതന്ത്ര്യമെന്ന ആശയത്തെ നമുക്ക് അര്ത്ഥപൂര്ണ്ണമാക്കേണ്ടതുണ്ട്. പ്രതിസന്ധികളുടെ ഈ കാലവും പതറാത്ത ഇച്ഛാശക്തിയോടെ നാം മുറിച്ചു കടക്കും.
എല്ലാവര്ക്കും ഹൃദയം നിറഞ്ഞ സ്വാതന്ത്ര്യ ദിനാശംസകള്
