national
അഡ്രസ് പ്രൂഫ് വേണ്ട; മിസ്ഡ് കോൾ നൽകിയാൽ ഗ്യാസ് സിലിണ്ടര് വീട്ടിലെത്തും
വീടു മാറുമ്പോഴും മറ്റും പുതിയ എൽപിജി കണക്ഷനായി ഓടി നടക്കാറുണ്ട് മിക്കവരും. അഡ്രസ് പ്രൂഫും അടിസ്ഥാന വിവരങ്ങളും ഒക്കെ നൽകിയാണ് ഗ്യാസ് കണക്ഷനായി അപേക്ഷിക്കേണ്ടത്. എന്നാൽ അഡ്രസ് പ്രൂഫ് ഒന്നും ഇല്ലാതെ തന്നെ ഗ്യാസ് സിലിണ്ടറിന് അപേക്ഷ നൽകാൻ ഇൻഡേൻ ഉപഭോക്താക്കൾക്ക് അവസരം നൽകുന്നുണ്ട്. കമ്പനിയുടെ അഞ്ചു കിലോഗ്രാമിൻെറ ഛോട്ടു സിലിണ്ടര് മിസ്ഡ് കോൾ നൽകിയും ബുക്ക് ചെയ്യാൻ ആകും . മറ്റ് ആകര്ഷകമായ ആനുകൂല്യങ്ങളും ഉപഭോക്താക്കൾക്ക് ലഭിക്കും. ഭാരത് ഗ്യാസും നൽകുന്നുണ്ട് അഞ്ച് കിലോഗ്രാമിൻെറ മിനി സിലിണ്ടര്. ഭാരത് പ്രെട്രോൾ പമ്പുകളിൽ നിന്ന് പോലും ഐഡി പ്രൂഫ് നൽകി സിലിണ്ടര് വാങ്ങാം.
മിസ്ഡ് കോൾ നൽകിയാൽ സിലിണ്ടര് വീട്ടിൽ എത്തും
ഏതെങ്കിലും ഒരു ഐഡി പ്രൂഫ് മാത്രം നൽകി ഇ സിലിണ്ടര് കണക്ഷൻ എടുക്കാൻ ആകും. സിലിണ്ടര് നിറക്കാൻ മിസ്ഡ് കോൾ സൗകര്യം ഉപയോഗപ്പെടുത്താം.ഇൻഡെയ്ൻ അഞ്ചു കിലോഗ്രാം സിലിണ്ടര് ബുക്ക് ചെയ്യുന്നതും കണക്ഷൻ എടുക്കുന്നത് പോലെ തന്നെ എളുപ്പമാണ്. ഇതിന് പ്രത്യേത നമ്പര് തന്നെ കമ്പനി പുറത്തിറക്കിയിട്ടുണ്ട്. 8454955555 എന്ന നമ്പറിൽ ഒരു മിസ്ഡ് കോൾ നൽകി ഗ്യാസ് സിലിണ്ടർ എളുപ്പത്തിൽ ബുക്ക് ചെയ്യാൻ ആകും. ഇതേ നമ്പറിലേക്ക് വാട്സാപ്പിൽ നിന്ന് Refill എന്ന് ടൈപ്പ് ചെയ്ത് സന്ദേശം അയച്ചും സിലിണ്ടര് ബുക്ക് ചെയ്യാം. കൂടാതെ, സിലിണ്ടർ ബുക്ക് ചെയ്യുന്നതിനും വിവരങ്ങൾ 7718955555 എന്ന നമ്പറിൽ വിളിക്കാനുമാകും.
സിലിണ്ടര് വില ഇങ്ങനെ.
സബ്സിഡി ലഭ്യമല്ലാത്ത അഞ്ചു കിലോഗ്രാം ഗ്യാസ് സിലിണ്ടറിന് 305 രൂപ മുതലാണ് ഇൻഡേൻ ഈടാക്കുന്നത്. ഭാരത് ഗ്യാസ് സിലിണ്ടറിന് 400 രൂപ മുതലാണ് വില. ഭരത്ഗാസ് മിനി സിലിണ്ടര് ഓർഡർ ചെയ്യുന്നതിനും മിസ്ഡ് കോൾ മതി. 1800224344 എന്ന നമ്പറിലേക്ക് മിസ്ഡ് കോൾ നൽകാം, രണ്ടു മണിക്കൂറിനുള്ളിൽ സിലിണ്ടർ വിതരണം ചെയ്യും. ഭരത്ഗാസ് വീട്ടിൽ എത്തിക്കുന്നതിന് 25 രൂപ ഈടാക്കും. ഇൻഡേനും ഇത് ഈടാക്കുന്നുണ്ട്.
14.2 കിലോഗ്രാം സിലിണ്ടറിനൊപ്പം അഞ്ചു കിലോഗ്രാം സിലിണ്ടറും
ഉപഭോക്താക്കൾക്ക് 14.2 കിലോഗ്രാം സിലിണ്ടറിനൊപ്പം അഞ്ചു കിലോഗ്രാം സിലിണ്ടര് ലഭിക്കുന്നതിനും അപേക്ഷ നൽകാൻ ആകും.ഇൻഡെയ്ൻ കോംബോ ഡബിൾ ബോട്ടിൽ കണക്ഷനായാണ് അപേക്ഷ നൽകേണ്ടത്. എൽപിജി സിലിണ്ടര് തീരുന്നത് മൂലമുള്ള ബുദ്ധിമുട്ട് ഒഴിവാക്കാൻ അധിക സിലിണ്ടര് സഹായകരമാകും. പ്രത്യേക അപേക്ഷ നൽകാതെ തന്നെ ആവശ്യമുള്ളപ്പോൾ 5 കിലോഗ്രാം സിലിണ്ടര് ഉപയോഗിക്കാനും കഴിയും. ഇന്ത്യൻ ഓയിൽ ഏജൻസികളിലൂടെയും മൊബൈൽ ആപ്പിലൂടെയും അപേക്ഷ നൽകാം.
