kerala
സംസ്ഥാന ആസൂത്രണ ബോര്ഡ് പുന:സംഘടിപ്പിച്ചു; ചെയർമാന് മുഖ്യമന്ത്രി
സംസ്ഥാന ആസൂത്രണ ബോര്ഡ് പുന:സംഘടിപ്പിച്ചു. ബോർഡിന്റെ ചെയര്മാന് മുഖ്യമന്ത്രി പിണറായി വിജയനും വൈസ് ചെയര്പേഴ്സണ് പ്രൊഫ. വി കെ രാമചന്ദ്രനുമാണ്. ഔദ്യോഗിക അംഗങ്ങളായി മന്ത്രിമാരായ കെ എന് ബാലഗോപാല്, കെ രാജന്, റോഷി അഗസ്റ്റിന്, കെ കൃഷ്ണന്കുട്ടി, എ കെ ശശീന്ദ്രന്, അഡ്വ. ആന്റണി രാജു, അഹമ്മദ് ദേവര്കോവില് എന്നിവരെ നിശ്ചയിച്ചു. ഡോ. പി കെ ജമീല, പ്രൊഫ. മിനി സുകുമാര്, പ്രൊഫ. ജിജു പി അലക്സ്, ഡോ. കെ രവിരാമന് എന്നിവരുമാണ് ബോർഡിലെ വിദഗ്ധ അംഗങ്ങളെന്നും പുറത്തിറക്കിയ പ്രസ്താവനയില് വ്യക്തമാക്കി.
ആസൂത്രണ ബോര്ഡിന്റെ പാര്ട് ടൈം വിദഗ്ധ അംഗങ്ങളായി പ്രൊഫ. ആര് രാമകുമാര്, വി നമശിവായം, സന്തോഷ് ജോര്ജ്ജ് കുളങ്ങര എന്നിവരെ നിശ്ചയിച്ചു. ചീഫ് സെക്രട്ടറിയും ധനകാര്യ അഡീഷണല് ചീഫ് സെക്രട്ടറിയും സ്ഥിരം ക്ഷണിതാക്കളാവും. ആസൂത്രണ-സാമ്പത്തിക കാര്യ വകുപ്പ് അഡീഷണല് ചീഫ് സെക്രട്ടറി മെമ്പര് സെക്രട്ടറിയാണെന്നും പ്രസ്താവനയില് പറയുന്നുണ്ട്.
