മാവേലിക്കരയിൽ ടവറിന് മുകളിൽ കയറി ആത്മഹത്യ ഭീഷണി: പോലീസും ഫയർഫോഴ്‌സും നോക്കി നിൽക്കെ യുവാവ് തൂങ്ങിമരിച്ചു

മാവേലിക്കര: മാവേലിക്കരയിൽ ടവറിന് മുകളിൽ കയറി ആത്മഹത്യയ്ക്ക് ശ്രമിച്ച യുവാവ് തൂങ്ങി മരിച്ചു. കൊറ്റാർക്കാവ് സ്വദേശി ശ്യാം കുമാറാണ് മരിച്ചത്. 44 വയസായിരുന്നു ശ്യാമിന്. പോലീസും ഫയർഫോഴ്‌സും എത്തി അനുനയ ശ്രമം നടത്തിയെങ്കിലും വഴങ്ങിയില്ല.

കുടുംബ പ്രശ്‌നമാണ് മരണകാരണമെന്നാണ് പ്രാഥമിക നിഗമനം. അഗ്‌നിശമനസേന എത്തി ടവറിൽ നിന്നും താഴെ എത്തിച്ച് ശ്യാമിനെ ആശുപത്രിയിലേക്ക് മാറ്റിയെങ്കിലും ജീവൻ രക്ഷിക്കാനായില്ല. പോലീസും ഫയർഫോഴ്‌സും നാട്ടുകാരും നോക്കി നിൽക്കെയാണ് യുവാവ് തൂങ്ങിമരിച്ചത്