assembly election 2021
എല്ജെഡി സ്ഥാനാര്ഥികളെ പ്രഖ്യാപിച്ചു; എം.വി.ശ്രേയാംസ് കുമാര് കല്പ്പറ്റയില്
കോഴിക്കോട് : നിയമസഭാ തിരഞ്ഞെടുപ്പിനുള്ള എൽജെഡി സ്ഥാനാർഥികളെ പ്രഖ്യാപിച്ചു. പാർട്ടി സംസ്ഥാന അധ്യക്ഷൻ എം.വി.ശ്രേയാംസ് കുമാർ കൽപ്പറ്റയിൽ മത്സരിക്കും. കൂത്തുപറമ്പിൽ മുൻ മന്ത്രി കെ.പി.മോഹനനും വടകരയിൽ മനയത്ത് ചന്ദ്രനും സ്ഥാനാർഥികളാകും.
എൽഡിഎഫിന്റെ സിറ്റിങ് സീറ്റുകളായതിനാൽ വിജയസാധ്യത മുൻനിർത്തിയാണ് സ്ഥാനാർഥികളെ നിർണയിച്ചതെന്ന് എൽജെഡി നേതാക്കൾ പറഞ്ഞു.
എൽഡിഎഫിൽ മൂന്ന് സീറ്റുകളിലാണ് എൽജെഡി മത്സരിക്കുന്നത്.
