തൃശൂര് | കോങ്ങാട് എം എല് എ. കെ വി വിജയദാസ് അന്തരിച്ചു. കൊവിഡ് ബാധിതനായതിനെത്തുടര്ന്ന്
മുളങ്കുന്നത്തുകാവ് മെഡിക്കല് കോളജ് ആശുപത്രിയില് ചികിത്സയിലായിരുന്നു. 61 വയസായിരുന്നു. ഡിസംബര് 11 ന് ആശുപത്രിയില് പ്രവേശിച്ച അദ്ദേഹത്തിന്റെ കൊവിഡ് പരിശോധനാ ഫലം നെഗറ്റീവായെങ്കിലും കൊവിഡാനന്തര
ആരോഗ്യപ്രശ്നങ്ങള് സ്ഥിതി ഗുരുതരാവസ്ഥയിലെത്തിക്കുകയായിരുന്നു. രക്തസമ്മര്ദം ഉയര്ന്നതിനെ തുടര്ന്ന് തലച്ചോറില് രക്തം കട്ടപിടിക്കുകയും ഇതേ തുടര്ന്ന് അടിയന്തര ശസ്ത്രക്രിയക്ക് എം എല് എയെ വിധേയനാക്കുകയും ചെയ്തിരുന്നു.
