kerala
കൊച്ചിയിലെ ഫ്‌ളാറ്റില്‍നിന്ന് ലഹരിമരുന്നുകള്‍ പിടിച്ചെടുത്തു; യുവതി അടക്കം മൂന്നുപേര്‍ പിടിയില്‍
കൊച്ചി: നഗരത്തിൽ വീണ്ടും ലഹരിമരുന്ന് വേട്ട. എം.ജി. റോഡിലെ ഫ്ളാറ്റിൽനിന്ന് ലഹരിമരുന്നുകളുമായി യുവതി അടക്കം മൂന്ന് പേരെ പോലീസ് പിടികൂടി. സമീർ, അജ്മൽ, ആര്യ എന്നിവരാണ് പിടിയിലായത്.
ഇവരുടെ ഫ്ളാറ്റിൽനിന്ന് 35 ഗ്രാം എം.ഡി.എം.എ, ഹാഷിഷ് ഓയിൽ, കഞ്ചാവ് എന്നിവ പോലീസ് പിടിച്ചെടുത്തു. കൊച്ചി സിറ്റി പോലീസിന് ലഭിച്ച രഹസ്യവിവരത്തെ തുടർന്നാണ് ഫ്ളാറ്റിൽ പരിശോധന നടത്തിയത്. സംഭവത്തിൽ വിശദമായ അന്വേഷണം നടത്തിവരികയാണ്.
