രാജ്യത്ത് പുതുതായി 14,256 പേർക്ക് കൊറോണ; 47 ശതമാനവും കേരളത്തിൽ
ന്യൂഡൽഹി: രാജ്യത്ത് കൊറോണ വൈറസ് ബാധിതരുടെ എണ്ണം തുടർച്ചയായി കുറയുമ്പോഴും ആശങ്കയായി കേരളത്തിലെ രോഗവ്യാപനം. കഴിഞ്ഞ 24 മണിക്കൂറിനുള്ളിൽ 14,256 പേർക്ക് മാത്രമാണ് രാജ്യത്ത് കൊറോണ സ്ഥിരീകരിച്ചത്. ഇതിൽ 47 ശതമാനവും കേരളത്തിലാണെന്നാണ് കണക്കുകൾ വ്യക്തമാക്കുന്നത്. കേരളത്തിൽ 6753 പേർക്കാണ് കഴിഞ്ഞ ദിവസം കൊറോണ സ്ഥിരീകരിച്ചത്.
രാജ്യത്ത് ആകെ 1,06,39,684 പേർക്കാണ് ഇതുവരെ രോഗം ബാധിച്ചത്. ആകെ രോഗബാധിതരിൽ 1,03,00,838 പേർ രോഗമുക്തരായി. നിലവിൽ 1,85,662 പേരാണ് ചികിത്സയിൽ കഴിയുന്നത്. കഴിഞ്ഞ 24 മണിക്കൂറിനിടെ 17,130 പേർ രോഗം ഭേദമായി ആശുപത്രിവിട്ടു.
കൊറോണയെ തുടർന്ന് കഴിഞ്ഞ ദിവസം 152 മരണങ്ങളാണ് റിപ്പോർട്ട് ചെയ്തത്. ഇതോടെ രാജ്യത്ത് കൊറോണ ബാധിച്ച് മരിച്ചവരുടെ ആകെ എണ്ണം 1,53,184 ആയി. വാക്‌സിനേഷൻ ആരംഭിച്ചതിന് പിന്നാലെ ഇതുവരെ 13,90,592 പേർക്ക് വാക്‌സിൻ കുത്തിവെച്ചു
