തിരുവനന്തപുരം : സംസ്ഥാനത്ത് കോവിഡ് പ്രതിരോധം ശക്തമാക്കാൻ സജ്ജമാക്കി വരുന്ന കോവിഡ് ബ്രിഗേഡിന്റെ ആദ്യ സംഘം പരിശീലനം പൂർത്തിയാക്കി സേവനത്തിനിറങ്ങി. ആദ്യസംഘം തിരുവനന്തപുരത്ത് നിന്ന് കാസര്കോട്ടേക്ക് തിരിച്ചു. മുഖ്യമന്ത്രി പിണറായി വിജയന് യാത്ര ഫ്ളാഗ് ഓഫ് ചെയ്തു. രാവിലെ സെൻട്രൽ സ്റ്റേഡിയത്തിൽ നടന്ന ചടങ്ങില് ആരോഗ്യമന്ത്രി കെ കെ ശൈലജ പങ്കെടുത്തു.
കാസർകോടുള്ള കോവിഡ് പ്രതിരോധ പ്രവർത്തനങ്ങളാണ് ഇവരുടെ ആദ്യ ദൗത്യം. തിരുവനന്തപുരം മെഡിക്കൽ കോളേജിന്റെ നേതൃത്വത്തിൽ നടന്ന 4 ദിവസത്തെ പരിശീലനം പൂർത്തിയാക്കിയ 26 സി.എഫ്.എൽ.ടി.സി. കോവിഡ് ബ്രിഗേഡുമാരാണ് സംഘത്തിലുള്ളത്.
