കാസര്കോട്: കൊവിഡ് 19 രോഗം സ്ഥിരീകരിച്ചതിനെ തുടര്ന്ന് പരവനടുക്കത്തെ ഫസ്റ്റ് ലെയിന് ട്രീറ്റ് മെന്റ് സെന്ററില് പ്രവേശിപ്പിച്ച യുവാവ് മരണപ്പെട്ടു. പനയാല് സ്വദേശിയും ഇപ്പോള് ഉദുമ നാലാംവാതുക്കല് കുണ്ടുകുളം പാറ താമസക്കാരനുമായ രാജു (39)ആണ് മരിച്ചത്. കലശലായ പനിയെ തുടര്ന്ന് ചൊവ്വാഴ്ച രാവിലെ ഉദുമ സിഎച്ച്സിയില് ചികില്സക്കെത്തിയിരുന്നു. സംശയത്തെ തുടര്ന്ന് അധികൃതര് ആന്റിജന് ടെസ്റ്റിന് വിധേയമാക്കി.ഉച്ചയോടെ പരവനടുക്കത്തെ കൊവിഡ് ചികില്സാ കേന്ദ്രത്തിലേക്ക് മാറ്റുകയായിരുന്നു. വൈകീട്ട് ഏഴുമണിയോടെ കുഴഞ്ഞ് വീണ് മരിക്കുകയായിരുന്നു. ഒരാഴ്ച മുമ്പാണ് പനി ബാധിച്ചത്. തുടര്ന്ന് ഉദുമയിലെ ഒരു സ്വകാര്യ ആശുപത്രിയില് ചികില്സ തേടിയിരുന്നു. ഇന്ന് വീണ്ടും ഉദുമയിലെ സി.എച്ച്.സിയിലെത്തുകയായിരുന്നു. മൃതദേഹം കാസര്കോട് ജനറല് ആശുപത്രി മോര്ച്ചറിയിലേക്ക് മാറ്റി.ബുധനാഴ്ച വീണ്ടും സ്രവമെടുത്ത് പരിശോധനക്കയക്കും. യുവാവിന്റെ വീട്ടുകാര്ക്കും പനിബാധിച്ചിട്ടുണ്ട്. ഇതോടെ ജില്ലയില് കൊവിഡ് ബാധിച്ച് മരണപ്പെട്ടവരുടെ എണ്ണം 33 ആയി. ബട്ടത്തൂരിലെ ബീവറേജ് ഗോഡൗണിലെ തൊഴിലാളിയായിരുന്നു(ഐഎന്ടിയുസി). പനയാലിലെ രാമകൃഷ്ണന്റെയും രാധയുടേയും മകനാണ്. സുമതിയാണ് ഭാര്യ. അക്ഷിദ് ഏകമകനാണ്
