Breaking News
ചികിത്സാ ഫണ്ടിലെ തര്ക്കം: ഫിറോസ് കുന്നംപറമ്പിലിനെതിരേ കേസ്
അമ്മ രാധയുടെ കരള്മാറ്റ ശസ്ത്രക്രിയയ്ക്കുള്ള പണത്തിനു വേണ്ടി സാമൂഹിക മാധ്യമങ്ങളിലൂടെ സഹായ അഭ്യര്ത്ഥന നടത്തിയ കണ്ണൂര് തളിപ്പറമ്പ് സ്വദേശിനി വര്ഷയുടെ പരാതിയിലാണ് ചേരാനല്ലൂര് പോലീസ് കേസെടുത്തത്.
ഫിറോസ് കുന്നംപറമ്പിലിനൊപ്പം സോഷ്യല് മീഡിയയിലൂടെ സാമൂഹിക സന്നദ്ധ പ്രവര്ത്തനം നടത്തുന്ന സാജന് കേച്ചേരി, ഇവരുടെ സഹായികള് ആയ സലാം, ഷാഹിദ് എന്നീ നാലു പേര്ക്കെതിരേയാ ണ് കേസെടുത്തത്. ഭീഷണിപ്പെടുത്തിയതിനും സമൂഹ മാധ്യമങ്ങളിലൂടെ അപമാനിച്ചതിനുമാണ് കേസ് രജിസ്റ്റര് ചെയ്തിരിക്കുന്നത്.
ജൂണ് 24-നാണ് അമ്മയുടെ ശസ്ത്രക്രിയയ്ക്ക് സഹായം അഭ്യര്ത്ഥിച്ച് വര്ഷ ഫെയ്സ്ബുക്കില് ലൈവില് എത്തുന്നത്. വര്ഷയ്ക്ക് സഹായവുമായി സാജന് കേച്ചേരി പിന്നീട് എത്തുകയായിരുന്നു. വലിയ തുക അക്കൗണ്ടിലേക്ക് വന്നപ്പോള് ജോയിന്റ് അക്കൗണ്ട് വേണമെന്ന് വര്ഷയോട് സന്നദ്ധ പ്രവര്ത്തകര് ആവശ്യപ്പെട്ടു. ഇതിന് പെണ്കുട്ടി സമ്മതിക്കാതെയായതോടെ നിരന്തരം ഭീഷണി മുഴക്കി.
