international
അവര് എന്നെ നന്നായി പരിപാലിക്കുന്നു'; ഇസ്രയേലി വനിതയുടെ വിഡിയോ പുറത്തുവിട്ട് ഹമാസ്
ആശുപത്രിയിൽ മൂന്നു മണിക്കൂർ കൊണ്ടാണ് എന്റെ കൈയ്ക്ക് ശസ്ത്രക്രിയ നടത്തിയത്. അവര് എന്നെ നന്നായി പരിപാലിക്കുന്നുണ്ട്... എനിക്ക് ആവശ്യമായ ചികിത്സ നല്കുന്നു. മരുന്നുകള് നല്കുന്നു. എല്ലാം നല്ലരീതിയില് മുന്നോട്ടു പോകുന്നുണ്ട്. എത്രയും വേഗം വീട്ടിലേക്ക് മടങ്ങണമെന്ന് മാത്രമേ ഞാൻ ആവശ്യപ്പെടുന്നുള്ളൂ. ദയവായി ഞങ്ങളെ എത്രയും വേഗം ഇവിടെ നിന്നും രക്ഷിക്കുക.' എന്നാണ് മിയ വിഡിയോയിലൂടെ പറയുന്നത്.
മിയയെ സുരക്ഷിതമായി കണ്ടതില് സന്തോഷമുണ്ടെന്ന് കുടുംബം പ്രതികരിച്ചിരുന്നു. ഉദ്യോഗസ്ഥർ മിയയുടെ കുടുംബത്തെ സമീപിച്ചിട്ടുണ്ടെന്നും അവരുമായി ബന്ധപ്പെടുന്നുണ്ടെന്നും വ്യക്തമാക്കി. “ഹമാസ് പുറത്തുവിട്ട വിഡിയോയിൽ അവർ തങ്ങളെ മനുഷ്യത്വമുള്ളവരായി ചിത്രീകരിക്കാൻ ശ്രമിക്കുന്നു. എങ്കിലും അവർ ശിശുക്കളെയും കുട്ടികളെയും പുരുഷന്മാരെയും സ്ത്രീകളെയും വൃദ്ധരെയും കൊലപ്പെടുത്തുന്നതിനും തട്ടിക്കൊണ്ടുപോകുന്നതിനും ഉത്തരവാദികളായ ഒരു ഭീകരമായ തീവ്രവാദ സംഘടനയാണ്. മിയ ഉള്പ്പെടെയുള്ള എല്ലാ ബന്ദികളെയും തിരികെ കൊണ്ടുവരുന്നതിനുള്ള നടപടികള് പുരോഗമിക്കുകയാണ് എന്നും 'ഐഡിഎഫ് എക്സില് കുറിച്ചു. അതിനിടെ, മറ്റൊരു വിഡിയോയിൽ ബന്ദികളായവർ തങ്ങളുടെ അതിഥികളാണെന്നും സാഹചര്യങ്ങൾ അനുവദിക്കുമ്പോൾ ബന്ദികളാക്കിയവരെ വിട്ടയക്കുമെന്നും ഹമാസ് പറയുന്നുണ്ട്.
