kerala
താനൂര് ദുരന്തം; യാത്രാനുമതി 22 പേര്ക്ക് മാത്രം; 37 പേരെ കയറ്റി; പ്രാഥമിക റിപ്പോര്ട്ട്
താനൂര് ബോട്ട് ദുരന്തത്തില് പ്രാഥമിക റിപ്പോര്ട്ട് സമര്പ്പിച്ചു. യാത്രയ്ക്ക് അനുമതിയുണ്ടായിരുന്നത് 22 പേര്ക്ക് മാത്രമെന്ന് റിപ്പോര്ട്ട്. യാത്ര ചെയ്തത് 37 പേരെന്നും മലപ്പുറം ജില്ലാ കലക്ടര് ഹൈക്കോടതിയില് സമര്പ്പിച്ച റിപ്പോര്ട്ടില് പറയുന്നു. ബോട്ടില് ആളെ കയറ്റുന്നിടത്ത് എത്രപേരെ കയറ്റാനാകുമെന്ന് എഴുതിവയ്ക്കണമെന്ന് കോടതി നിര്ദേശിച്ചു. ജനങ്ങള്ക്കുവേണ്ടി സംസാരിക്കുമ്പോള് കോടതി വിമര്ശനത്തിന് വിധേയമാകുന്നു. കോടതിക്കുനേരെ ശക്തമായ സൈബര് ആക്രമണം, ഇതില് അഭിഭാഷകര്ക്കും പങ്കുണ്ട്. തുടര്ച്ചയായി ദുരന്ത വാര്ത്തകള് വരുമ്പോള് മനസുമടുക്കുന്നെന്നും കോടതി പറഞ്ഞു.
