kerala
'കൈക്കൂലി ഒളിപ്പിക്കുന്നത് കുറ്റിക്കാട്ടില്‍ ഇലയില്‍ പൊതിഞ്ഞ്; പഴങ്ങളും പച്ചക്കറിയും പങ്ക് പറ്റി'; വാളയാര്‍ ചെക്ക് പോസ്റ്റില്‍ റെയ്ഡ്
വിജിലന്‍സ് സംഘത്തെ കണ്ടതോടെ മോട്ടോര്‍ വെഹിക്കിള്‍ ഇന്‍സ്പെക്ടര്‍ ബിനോയ് കുതറി ഓടാന്‍ ശ്രമിച്ചു. ബിനോയിയെ കൂടാതെ അസിസ്റ്റന്റ് മോട്ടോര്‍ വെഹിക്കിള്‍ ഇന്‍സ്പക്ടര്‍മാരായ ജോര്‍ജ്, പ്രവീണ്‍, അനീഷ്, കൃഷ്ണകുമാര്‍ എന്നിവരാണ് ഈ സമയത്ത് ഡ്യൂട്ടിയിലുണ്ടായിരുന്നത്. ഈ അഞ്ച് ഉദ്യോഗസ്ഥര്‍ക്കെതിരേയും വകുപ്പ് തല നടപടിക്ക് ശുപാര്‍ശ ചെയ്തിട്ടുണ്ട്.
കൈക്കൂലിയായി ലഭിക്കുന്ന പണം സാധാരണ നിലയില്‍ സമീപത്തെ കുറ്റിക്കാട്ടില്‍ ഇലയില്‍ പൊതിഞ്ഞ് ഒളിപ്പിക്കുകയാണ് പതിവെന്നാണ് വിവരം. വാളയാറില്‍ ആര്‍ടിഒ ചെക്ക് പോസ്റ്റിലെത്തുന്ന വാഹനത്തില്‍ നിന്നും പച്ചക്കറികളും പഴങ്ങളുമടക്കം കൊണ്ടുവരുന്ന ചരക്കുകളില്‍ ഒരു പങ്കും കൈക്കൂലിയായി സ്വീകരിച്ചിരുന്നതായും കണ്ടെത്തിയിട്ടുണ്ട്. ഒരു ദിവസം സര്‍ക്കാറിന് ലഭിക്കുന്ന റവന്യു വരുമാനത്തോളം വരുന്ന തുക ഉദ്യോഗസ്ഥര്‍ കൈക്കൂലിയായി വാങ്ങിയിരുന്നതായും വ്യക്തമായിട്ടുണ്ട്.
