kerala
'കൊച്ചിയിലെ നിശാപാര്ട്ടികള്ക്ക് ചുക്കാന് പിടിക്കുന്നത് ഐപിഎസ് ഉദ്യോഗസ്ഥന്'; കേന്ദ്ര ഇന്റലിജന്സ് റിപ്പോര്ട്ട് പുറത്ത്
കൊച്ചി കേന്ദ്രീകരിച്ചുള്ള ഉന്നത പൊലീസ് ഉദ്യോഗസ്ഥരുടെ വഴിവിട്ട പ്രവര്ത്തനങ്ങള്ക്കെതിരെയുളള റിപ്പോര്ട്ട് കേന്ദ്ര ആഭ്യന്തരമന്ത്രാലയത്തിന് സമര്പ്പിച്ചു. കൊച്ചി മരടിലുള്പ്പടെ ഈ ഉദ്യോഗസ്ഥന് അനധികൃതമായി സ്വത്തുക്കള് വാങ്ങിക്കൂട്ടിയെന്നും റിപ്പോര്ട്ടില് പരാമര്ശിക്കുന്നു.
നെടുമ്പാശേരി വിമാനത്താവളം കേന്ദ്രീകരിച്ചുളള സ്വര്ണക്കടത്തിലും ചില പൊലീസ് ഉദ്യോഗസ്ഥര്ക്ക് പങ്ക് ഉണ്ടെന്നും റിപ്പോര്ട്ടില് പറയുന്നു. നെടുമ്പാശേരി വിമാനത്താവളം എറാണാകുളം റൂറലില് നിന്ന് മാറ്റി കൊച്ചി സിറ്റി പൊലീസിന്റെ അധികാര പരിധിയില് കൊണ്ട് വരാന് ഇതേ ഉദ്യോഗസ്ഥര് ഇടപെട്ടതായും ഇന്റലിജന്സ് കണ്ടെത്തല്. ഒരു ഉന്നത ഐപിഎസ് ഉദ്യോഗസ്ഥനെതിരെ അന്വേഷണം ആവശ്യപ്പെട്ട് കേന്ദ്ര ആഭ്യന്തരമന്ത്രാലയത്തിന് കത്ത് നല്കി.
