പുരാവസ്തു തട്ടിപ്പ് വീരന്‍ മോന്‍സണ്‍ മാവുങ്കലിനെതിരെ ഗുരുതര ആരോപണവുമായി പെണ്‍കുട്ടി

കൊച്ചി: പുരാവസ്തു തട്ടിപ്പ് വീരൻ മോൻസൺ മാവുങ്കലിനെതിരെ ഗുരുതര ആരോപണവുമായി പെൺകുട്ടി. ബലാത്സംഗക്കേസ് പിന്‍വലിക്കാന്‍ മോൻസൺ ഭീഷണിപ്പെടുത്തിയെന്നാണ് പരാതിയിൽ പറയുന്നത്. കേസുമായി ബന്ധപ്പെട്ട വിഷയങ്ങൾ സംസാരിക്കാൻ സഹോദരനെയും സുഹൃത്തിനെയും മോൻസൺ വീട്ടിലേക്ക് വിളിച്ചു വരുത്തിയിരുന്നു.സുഹൃത്തും ബന്ധുവുമായ യുവാവ് പ്രതിയായ കേസിൽ ഇടപെട്ട മോൻസൺ നഗ്ന ചിത്രം കാണിച്ച് ഭീഷണിപ്പെടുത്തിയതായാണ് യുവതി പറയുന്നത്.

പ്രണയത്തിലായിരുന്ന യുവതിയെ വിവാഹ വാഗ്ദാനം നൽകിയാണ് മോൻസന്‍റെ ബന്ധും സുഹൃത്തും വ്യവസായിയുമായ ശരത് സുന്ദരേശൻ എന്ന യുവാവ് പീഡിപ്പിച്ചത്. പെൺകുട്ടിയുടെ വീട്ടിൽ വന്ന യുവാവ് കല്യാണം കഴിക്കുന്നതിനെ കുറിച്ച് ഉറപ്പും ബന്ധുക്കൾക്ക് നൽകിയതായി പെൺകുട്ടി പറയുന്നു.