Tokyo Olympics 2020
നീരജ് ചോപ്രയ്ക്ക് സമ്മാന പെരുമഴ! ഒരു വര്ഷത്തേയ്ക്ക് സൗജന്യ യാത്രയുമായി ഇന്ഡിഗൊ; ആയുഷ്കാലം ഇന്ത്യയിലും വിദേശത്തും സഞ്ചരിക്കാനുള്ള ഗോള്ഡന് പാസുമായി കര്ണാടക ട്രാന്സ്പോര്ട് കോര്പറേഷന്
ന്യൂഡെൽഹി: ടോകിയോ ഒളിമ്പിക്സിൽ ആദ്യമായി സ്വർണമെഡൽ നേടിയ ഇന്ത്യൻ താരം നീരജ് ചോപ്രയ്ക്ക് സമ്മാനങ്ങളുടെ പെരുമഴ. ജാവലിൻ ത്രോയിൽ സ്വർണമെഡൽ നേടിയ നീരജിന് ഒരു വർഷത്തേയ്ക്ക് സൗജന്യ യാത്ര വാഗ്ദാനം ചെയ്ത് രാജ്യത്തെ ഏറ്റവും വലിയ എയർലൈനായ ഇൻഡിഗോയും രംഗത്തെത്തി.
കഠിനാധ്വാനവും സഹിഷ്ണുതയും അഭിനിവേശവും കൊണ്ട് എന്ത് നേടാനാകുമെന്ന് നിങ്ങൾ ഞങ്ങൾക്ക് കാണിച്ചുതന്നു. ഭാവിയിലെ ഇന്ത്യൻ കായികതാരങ്ങൾക്ക് നിങ്ങളൊരു വെളിച്ചമാണ്. നന്നായി, നീരജ്- എന്നാണ് വാഗ്ദാനം മുന്നോട്ടുവെച്ചുകൊണ്ട് ഇൻഡിഗൊ സി ഇ ഒ റോണൊജോയ് ദത്ത പറഞ്ഞത്.
ഇൻഡിഗൊയെ കൂടാതെ കർണാടക സ്റ്റേറ്റ് റോഡ് ട്രാൻസ്പോർട് കോർപറേഷനും നീരജിന് സമ്മാനവുമായി എത്തിയിട്ടുണ്ട്. ആയുഷ്കാലം മുഴുവൻ രാജ്യത്തും വിദേശത്തും സൗജന്യമായി യാത്ര ചെയ്യാനുള്ള ഗോൾഡൻ പാസാണ് നീരജിന് നൽകിയിരിക്കുന്നത്. കർണാടക സ്റ്റേറ്റ് ട്രാൻസ്പോർട് കോർപറേഷൻ ഇതാദ്യമായാണ് ഇത്തരമൊരു സമ്മാനം നൽകുന്നത്.
വ്യവസായി ആനന്ദ് മഹിന്ദ്ര നീരജ് ചോപ്രയ്ക്ക് മഹിന്ദ്ര XUV700 ആണ് സമ്മാനമായി നൽകുന്നത്. വരാനിരിക്കുന്ന ഏറ്റവും പുതിയ മോഡലാണിത്
